लोकमत सखी मंचच्यावतीने ‘चिंग्स् का तडका’

प्रत्येक स्त्रीला स्वयंपाक येतो. पण प्रत्येक स्त्री सुगरण असतेच असे नाही. पण लग्नाच्या आधी आणि लग्नानंतर कायम ती आपल्या कुटुंबासाठी चविष्ट आणि रूचकर स्वयंपाक करण्याचा प्रयत्न करीत असते असे म्हणतात.

सखींसाठी लज्जतदार पदार्थांचा चटकदार कुकरी शो नागपूर : प्रत्येक स्त्रीला स्वयंपाक येतो. पण प्रत्येक स्त्री सुगरण असतेच असे नाही. पण लग्नाच्या आधी आणि लग्नानंतर कायम ती आपल्या कुटुंबासाठी चविष्ट आणि रूचकर स्वयंपाक करण्याचा प्रयत्न करीत असते असे म्हणतात. आपल्या प्रिय व्यक्तीच्या मनापर्यंत पोचण्याचा मार्ग का पोटातून जातो नेमके हाच मंत्र समोर ठेवून प्रत्येक स्त्री संसारात आणि आपल्या स्वयंपाकघरात नवनवीन पदार्थ तयार करून कुटुंबाचे मन जिंकते. यासाठी तिला पुष्कळदा बरीच मेहनत घ्यावी लागते. प्रयत्न करावे लागते. पण तिच्या या प्रामाणिक प्रयत्नांना खमंग तडका देण्यासाठी आणि तिच्या पदार्थांना आणखी लज्जतदार बनविण्यासाठी लोकमत सखी मंच व ‘चिंग्स् का तडका’ या कार्यक्रमाचे आयोजन गुरुवार, १९ जून रोजी केले आहे. स्थानिक रजवाडा पॅलेस गांधीसागर तलाव महाल येथे हा कार्यक्रम सकाळी ११.३० वाजता होणार आहे. या कार्यक्रमात सुप्रसिद्ध शेफ हरपाल सिंग सोखी प्रत्यक्ष खास चिंग्स् का तडका युक्त लज्जतदार पाककृतींचे प्रात्यक्षिक दाखविणार आहे व काही खास टिप्स सखींना देणार आहे. अशा टिप्स ज्या प्रत्येक सखींना आपल्या स्वयंपाक घरात अतिशय महत्वपूर्ण ठरणार आहे. तसे स्वयंपाकघर हा प्रत्येक महिलेचा जिव्हाळ्याचा विषय याच जिव्हाळ्याने आणि प्रेमाने ती रोज काहीतरी नवीन पदार्थ कुटुंबासाठी करीत असते. पण प्रत्येक वेळेला तो पदार्थ रूचकर होईलच याची शाश्वती नसते. त्यामुळे रोज लज्जतदार चविष्ट पाककृती तयार करण्याचे आव्हान तिच्यासमोर उभे राहते त्यातल्या त्यात व्यक्ती तितक्या पाककृती याप्रमाणे प्रत्येकांच्या आवडीनुसार स्वयंपाक करणे म्हणजे फार मोठा प्रश्न. अशावेळेला ‘चिंग्स् का तडका’ या कार्यक्रमातून या सर्व प्रश्नांची उत्तरे महिलांना मिळणार आहे. अतिशय सोप्या सहज सुटसुटीत आणि लज्जतदार पाककृतींचा भरगच्च नजराणा म्हणजे चिंग्स् का तडका हा कार्यक्रम. या कार्यक्रमाच्या रेसिपींच्या माहिती पुस्तिका भाग घेणाऱ्या प्रत्येक सखीला मिळणार आहे. प्रथम नोंदणी करणाऱ्या ८०० सखी मंच सदस्यांना प्रत्येकी १ याप्रमाणे पासेसस वितरित करण्यात येणार आहे. कार्यक्रमाच्या आणि प्रथम या प्रथम सीट मिळवा याप्रमाणे प्रवेश देण्यात येणार आहे. ज्यांच्याजवळ पास आहे, त्यांनाच प्रवेश देण्यात येईल. मोजक्याच पासेस उपलब्ध आहेत. कार्यक्रम वेळेवर सुरू होणार आहे. नि:शुल्क पासेसकरिता सखीमंच कार्यालय, लोकमत भवन, रामदासपेठ येथे ९८५०३०४०३७ येथे संपर्क साधावा. कार्यक्रमाला येताना सखी मंच ओळखपत्र आणणे आवश्यक. (प्रतिनिधी)'