पूजा बिरारी-सोहम बांदेकरच्या लग्नात मराठी कलाकारांची मांदियाळी, कोणी लावली हजेरी?

पूजा बिरारी आणि सोहम बांदेकरच्या लग्नात मराठी सेलिब्रिटींनी हजेरी लावली होती. या कलाकारांनी केलेलं खास फोटोशूट चांगलंच चर्चेत आहे

पूजा बिरारी आणि सोहम बांदेकर यांनी थाटामाटात लग्न केलं. या लग्नाची खूप चर्चा झाली.

पूजा आणि सोहम यांच्या लग्नात मराठी कलाकारांनी हजेरी लावली होती. याचे फोटो सोशल मीडियावर व्हायरल झाले आहेत

पूजा आणि सोहम दोघेही मनोरंजन विश्वात कार्यरत आहेत. त्यामुळे त्यांच्या लग्नाला मराठी मनोरंजन विश्वातील अनेक कलाकार उपस्थित होते.

अभिनेत्री पूर्वा गोखलेने सोशल मीडियावर फोटो शेअर केले आहेत. या फोटोत अभिनेता अभिजीत केळकर, सुबोध भावे, मंजिरी भावे, शिल्पा नवलकर, ऋजुता देशमुख या कलाकारांनी हजेरी लावलेली दिसतेय

या सर्व कलाकारांनी सोहम आणि पूजासोबत सुंदर फोटोशूट केलं. याशिवाय सर्वांनी लग्न सुरु असतानाच चांगलीच धमाल केलेली दिसली.

सोहम आणि पूजा गेल्या अनेक महिन्यांपासून रिलेशनशिपमध्ये होते. अखेर काल २ डिसेंबरला दोघांनी एकमेकांशी लग्न केलं.

सोहम हा अभिनेते आदेश बांदेकर आणि अभिनेत्री सुचित्रा बांदेकर यांचा मुलगा आहे. तर पूजा अभिनेत्री असून ती सध्या 'येड लागलं प्रेमाचं' मालिकेत अभिनय करत आहे.