ऐश्वर्या राय की कतरिना कैफ... सलमान खानच्या X-गर्लफ्रेंडपैकी कोण जास्त श्रीमंत? दोघींची संपत्ती किती?

katrina kaif vs aishwarya rai net worth : कतरिना कैफ आणि ऐश्वर्या राय या दोघीही बॉलिवूडमधील टॉप अभिनेत्री. दोघांनीही बॉलिवूडमध्ये हिट चित्रपट देत प्रसिद्धी आणि पैसा कमावला

बॉलिवूडचा लोकप्रिय अभिनेता सलमान खान त्याच्या वैयक्तिक आयुष्यामुळे खूप चर्चेत राहिला आहे. एकामागून एक हिट चित्रपट देणारा सलमान खान ५९ व्या वर्षीही अविवाहित आहे.

सलमान खानची आतापर्यंत अनेक अभिनेत्रींसोबत अफेअर्सची चर्चा रंगली, पण तरीही सलमान अविवाहितच राहिला. त्याचे कोणतेही रिलेशनशिप लग्नापर्यंत पोहोचले नाही.

सलमान खानचे सर्वाधिक चर्चेत असलेले अफेअर ऐश्वर्या राय आणि कतरिना कैफ यांच्यासोबत होते. दोघींनीही बॉलिवूडमध्ये मोठे नाव कमावले. या दोघींपैकी श्रीमंत कोण, जाणून घेऊया.

२००५ मध्ये आलेल्या 'मैने प्यार क्यूं किया' या चित्रपटादरम्यान कतरिना कैफ आणि सलमान खान एकमेकांच्या खूप जवळ आले. तेथून या दोघांचे रिलेशन सुरू झाले असे म्हणतात.

पण चार वर्षांनी सलमान आणि कतरिनाचे ब्रेकअप झाले. २००३ मध्ये आलेल्या 'बूम' चित्रपटातून बॉलिवूडमध्ये करिअरची सुरुवात करणाऱ्या कतरिनाचा समावेश टॉप अभिनेत्रींच्या यादीत आहे.

कतरिना कैफ हिने अभिनेता विकी कौशल याच्याशी लग्न केले. मीडिया रिपोर्ट्सनुसार, कतरिनाची सध्या एकूण संपत्ती सुमारे २२४ कोटी आहे. ती एका चित्रपटासाठी १५ ते २० कोटी रुपये घेते.

कतरिनाच्या आधी सलमानचे ऐश्वर्या रायसोबत रिलेशनशिप होते. १९९९ मध्ये आलेल्या 'हम दिल दे चुके सनम' या चित्रपटात काम करताना दोघांचेही एकमेकांवर प्रेम जडले, असे म्हटले जाते.

ऐश्वर्या खूपच सुंदर आणि हिंदी चित्रपटसृष्टीतील प्रभावी अभिनेत्री. पण हे नातेही लग्नापर्यंत पोहोचू शकले नाही. एकमेकांवर नितांत प्रेम असणाऱ्या या जोडीचे २००२ मध्ये ब्रेकअप झाले.

ऐश्वर्या रायने अभिषेक बच्चनशी लग्न केले. ती सुमारे ९०० कोटी रुपयांची मालकीण असून भारतातील दुसऱ्या क्रमांकाची सर्वात श्रीमंत अभिनेत्री आहे. तीही एका चित्रपटासाठी १० ते १२ कोटी रुपये घेते.