Bollywood News & Gossip in Marathi | Latest Entertainment News | हिंदी फिल्म | Bollywood Actress, Actors, Parties & Events | Hindi Movie Reviews

उशीरा का होईना पण दिग्दर्शक करण जोहरचे डोळे उघडलेच. यापुढे मी पाकिस्तानी कलावंतांसोबत काम करणार नाही, असे करणने जाहीर केले आहे. माझ्या आगामी चित्रपटात पाकिस्तानी कलाकार असल्याने मी टीकेचे लक्ष्य ठरलो आहे. पण भारताचा नागरिक असल्याचा मला अभिमान आहे. माझा देश माझ्यासाठी प्रथमस्थानी आहे. त्यापेक्षा मोठे माझ्यासाठी काहीही नाही, असे सांगून त्याने त्याच्या ‘ऐ दिल है मुश्किल’ या चित्रपटाचा विरोध करू नये,अशी विनंती केली आहे. ही विनंती करणारा व्हिडीओ करणने यूट्युबवर पोस्ट केला आहे. यात तो म्हणतो, ‘गतवर्षी ‘ऐ दिल है मुश्किल’ची शूटिंग सुरू केली होती, तेव्हा शेजारी देशासोबतचे आपले संबध आजच्या तुलनेत चांगले होते. भारताने आरंभलेल्या शांतीच्या प्रयत्नांना मी देखील पाठिंबा दिला होता. मात्र आजची स्थिती वेगळी आहे. ‘ऐ दिल है मुश्किल’च्या निर्मितीमध्ये 300 लोकांचा सहभाग आहे. त्यांची यात कोणतीही चूक नाही. हा चित्रपट प्रदर्शित होऊ द्या. मी भारतीय सैन्याचा आदर करतो. मी त्यांना सॅल्यूट करतो. दहशतवादाचे कुठल्याच स्थितीत समर्थन केले जाऊ शकत नाही. दहशतवाद नेहमीच निंदनीय आहे. पाकी कलाकारांवरील बंदीच्या मुद्यावर अनेक दिवसांपासून मी मौन बाळगून होतो. पण मी राष्ट्रविरोधी आहे, असा या मौनाचा अर्थ काढला गेला. मी या आरोपाने मी आतून दुखावलो गेलो.’याच महिन्यात ‘ऐ दिल है मुश्किल’ प्रदर्शित होत आहे. मात्र त्याआधी ‘सिनेमा ओनर्स एक्झीबिटर्स असोसिएशन आॅफ इंडिया’च्या सदस्य असलेल्या सिंगल स्क्रिन थेअटरच्या मालकांनी हा चित्रपट प्रदर्शित करणार नसल्याचा निर्णय घेतला होता. यामुळे महाराष्ट्र, गुजरात, कर्नाटक व गोवा या राज्यातील सिंगल स्क्रिन थेअटर्समध्ये या चित्रपटाचे प्रदर्शन होणार नसल्याचे सांगण्यात आले होते. या चित्रपटात पाकिस्तानी कलावंत फवाद खान याची भूमिका असल्याने हा निर्णय घेण्यात आला असल्याचे सांगण्यात आले होते. करणने पोस्ट केलेला व्हिडीओ म्हणजे माफीनामा मानावी की त्याची बाजू हे अद्याप स्पष्ट झालेले नाही, पण काहीही असो ‘देर आये दुरुस्त आये’ असेच करणच्या बाबतीत म्हणावे लागेल. करणने पोस्ट केलेला व्हिडीओ म्हणजे माफीनामा की त्याची बाजू हे अद्याप स्पष्ट झालेले नाही, पण काहीही असो ‘देर आये दुरुस्त आये’ असेच करणच्या बाबतीत म्हणावे लागेल. ‘ऐ दिल है मुश्किल’मध्ये रणवीर कपूर, ऐश्वर्या रॉय, अनुष्का शर्मा यांच्या प्रमुख भूमिका आहेत.

रणवीर सिंगचा 'धुरंधर २'

बिग बॉस मराठी ६

आशा भोसले

'रामायण' चित्रपट

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

बॉलीवुड :परिणीती-सुशांतच्या ‘ताकादुम’चे शूटिंग स्टार्ट्स...

बॉलीवुड :दीपिका-शाहीदच्या ‘या’ संवादाने भडकणार तर नाही ना रणवीर?

बॉलीवुड : जीनत यांच्या मदतीला धावली ऐश्वर्या!

बॉलीवुड :अशी मिळाली माधवनला सी हॉक्समधली भूमिका...

बॉलीवुड :सलमान व कबीरमध्ये अबोला का ?

बॉलीवुड :‘डिअर जिंदगी’चा फर्स्ट लुक आऊट!

शाहरूख खान आणि आलिया भट्ट यांना एकत्र काम करताना पाहिलंय का कधी? नाही ना.. आता तुमची इच्छा लवकरच पूर्ण ... ...

बॉलीवुड :gulzar album release

बॉलीवुड :shahid is back

बॉलीवुड :20 आॅक्टोबरला येणार ‘दंगल’चे ट्रेलर

बॉलीवुड :करणचा माफीनामा : ‘यानंतर पाक कलावंतांसोबत चित्रपट नाही’