आयुष्याचीच घसरगुंडी!

वाळूज महानगर : सिडको वाळूज महानगरातील उद्यानात खेळण्यासाठी गेलेल्या चार वर्षीय चिमुकलीचा घसरगुंडी खेळताना पडल्याने दुर्दैवी मृत्यू झाल्याची घटना शुक्रवारी उघडकीस आली. मुलीचा अचानक अंत झाल्याने जाधव कुटुंबियांवर दु:खाचा डोंगर कोसळला आहे.गोविंद आसाराम जाधव हे आई, पत्नी व ३ मुलांसह अयोध्यानगर येथे राहतात. त्यांना प्रथमेश (९), ओंकार (७) व ज्ञानेश्वरी (४) ही अपत्ये. ज्ञानेश्वरी बुधवारी सायंकाळी भाऊ ओंकारसह आजी मीराबाई यांच्यासोबत देवगिरीनगर येथील सिडको उद्यानात खेळण्यासाठी गेली. उद्यानात (पान २ वर)ज्ञानेश्वरीच्या मृत्यूनेजाधव कुटुंबाला धक्काघरात सर्वात लहान असल्याने ज्ञानेश्वरी सर्वांची लाडकी होती. तिच्या खेळण्या- बागडण्याने घर फुलून जात होते. पण खेळता खेळता अचानक ज्ञानेश्वरीचा दुर्दैवी मृत्यू झाल्याने जाधव कुटुंबियांना धक्का बसला. या घटनुमळे त्यांचे शेजारीही दु:खी झाले आहेत.ज्ञानेश्वरीला यंदा अंगणवाडीत घालायचे असल्याने तिच्यासाठी तिच्या आवडीचे नवीन कपडे, बूट, स्कूल बॅग, वॉटर बॅग खरेदी करून ठेवली असल्याचे सांगताना तिचे वडील गोविंद जाधव यांना अश्रू अनावर झाले होते.