तक्रारीची पार्श्वभूमी
आरोपी मोहंमद अजहर सिद्दीकी याने जसविंदरसिंग खांबा यांच्याकडून अडीच लाख रुपये हातउसने घेतले होते. हे उसने पैसे परत करण्यासाठी मोहंमद अजहर याने जसविंदरसिंग यांना धनादेश दिला होता; परंतु अजहरच्या बँकेच्या खात्यात ‘पुरेशी रक्कम नसल्याच्या’ कारणामुळे तो धनादेश वटला नाही, म्हणून जसविंदरसिंग यांनी अजहरला कायदेशीर नोटीस पाठवून धनादेशाची रक्कम परत करण्यासाठी एक महिन्याचा अवधी दिला. अजहरने रक्कम परत केली नाही. जसविंदरसिंग यांनी ॲड. के.ए. इंगळे यांच्यामार्फत पराक्रम्य अभिलेख (निगोशिएबल इन्स्ट्रुमेन्टस्‌ ॲक्ट) कायद्याच्या कलम १३८ नुसार न्यायालयात तक्रार दाखल केली होती.
आरोपीचा बचाव
आपण तक्रारदाराकडून हातउसने पैसेही घेतले नव्हते व त्यांना धनादेशही दिला नव्हता. तो धनादेश अनिल डांगे यांना दिला होता. त्यांच्या सोबतचा व्यवहार पूर्ण झाला. तक्रारदाराने डांगे यांच्याकडून ‘तो’ धनादेश घेऊन त्याचा गैरफायदा घेतल्याचा अजहरचा बचाव होता. उभयपक्षाच्या युक्तिवादानंतर सुनावणीअंती आरोप सिद्ध झाल्याने न्यायालयाने वरीलप्रमाणे आदेश दिला. ॲड. इंगळे यांना ॲड. ए.यू. पाटील यांनी सहकार्य केले.