पहिल्याच दिवशी विद्यार्थ्यांना पुस्तके व गणवेश

विद्यार्थ्यांना शाळेच्या पहिल्याच दिवशी पाठयपुस्तके उपलब्ध करून देण्याच्या

मोताळा : शैक्षणिक सत्र सन २0१४-१५ या वर्षासाठी विद्यार्थ्यांना शाळेच्या पहिल्याच दिवशी पाठयपुस्तके उपलब्ध करून देण्याच्या दृष्टीने सर्व शिक्षा अभियानांतर्गत तालुक्यातील मराठी, उर्दू व सेमी इंग्रजीच्या इयत्ता पहिली ते आठवीच्या विद्यार्थ्यांना १ लाख ३0 हजार ७१७ मोफत पाठय़पुस्तके तालुक्यातील ११ केंद्रांतर्गत येणार्‍या शाळांना वितरीत करण्यात आले आहे. शैक्षणिक सत्र २६ जून पासून सुरू होत असून पहिल्याच दिवशी नवागतांचे स्वागत व मोफत पाठयपुस्तके विद्यार्थ्यांना मिळावी यासाठी तालुक्यातील ११ केंद्रांतर्गत येणार्‍या २१४ शाळांना शालेय स्तरावर पाठय़पुस्तकांचे वितरण झाले आहे. तालुक्यातील जिल्हा परिषद, खाजगी अनुदानीत शासकीय शाळा तसेच अनुदानीत आङ्म्रम शाळेतील १ ली ते ८ वीच्या एकूण विद्याथ्यार्ंसाठी १ लाख ३0 हजार ७१७ पाठयपुस्तकांची नोंदणी करण्यात आली होती. या पैकी मराठी, उर्दू व सेमी इंग्रजी या तीन माध्यमांची ८७ हजार ८१९ पुस्तके पहिल्या टप्प्यात प्राप्त झाली होती. यामध्ये मराठी माध्यम ७२ हजार ६५५, उर्दू माध्यम १२ हजार ५८८ तर सेमी इंग्रजी माध्यमाचे २ हजार ५७६ पुस्तकांसह यामध्ये १ लीचे ३ विषय, २ रीचे ३ विषय व वर्ग ६ ते ८ वीचे प्रत्येकी ८ विषयासह प्रत्येकी २ सेमीच्या पुस्तकांचा समावेश होता. दुसर्‍या टप्प्यामध्ये वर्ग ३,४,५ वीच्या प्रत्येक विषयांच्या पुस्तकांसह वर्ग १ ली ते ८ वीच्या मराठी विषयाची ३५ हजार ९३१, उर्दू विषयाची ६ हजार ५७५ तर सेमी इंग्रजी विषयाची ३९२ आहे.