ऑनलॉईन वेतन डाटा पाठविण्याची १0 मे ची 'डेडलाईन'

येत्या शैक्षणिक सत्रापासून शिक्षकांचे ऑनलाईन वेतन प्रणाली लागू करायची असल्याने शिक्षकांच्या वेतनासंबंधित माहिती १0 मे पर्यंत पाठविणे अनिवार्य आहे.

अमरावती : येत्या शैक्षणिक सत्रापासून शिक्षकांचे ऑनलाईन वेतन प्रणाली लागू करायची असल्याने शिक्षकांच्या वेतनासंबंधित माहिती १0 मे पर्यंत पाठविणे अनिवार्य आहे. त्यानुसार शिक्षण संचालकांनी यंत्रणेला निर्देश दिले आहेत. याच पार्श्‍वभूमीवर महापालिक ा शिक्षण विभाग कामाला लागला असून बहुतांश माहितीचा डाटा पाठविण्यात आला आहे.पुणे येथे शिक्षण विभागाने राज्यभरातील शिक्षणाधिकारी, शिक्षण उपसंचालक आणि शिक्षण विभागाशी संबंधित असलेल्या अधिकार्‍यांची नुकतीच बैठक घेतली. या बैठकीत शिक्षणाशी संबंधित असलेल्या ६८ मुद्यांवर चर्चा करण्यात आली. तारांकित, अतारांकित, लोकायुक्त, न्यायालयीन बाबी, शिक्षण अनुदान, संच मान्यता, परिवहन समिती, शालेय पोषण आहार, आरटीई नुसार शाळा तपासणी, सेवा ज्येष्ठता, बिंदू नामावली, शालार्थ, ऑनलाईन वेतन प्रणाली आदी विषयांवर चर्चा करण्यात आली. विशेषत: शिक्षकांच्या ऑनलाईन वेतन प्रणालीत कोणत्याही त्रुट्या राहू नये, यासाठी निर्देश देण्यात आले आहे. त्यानुसार महापालिका शिक्षण विभागाने ६१ प्राथमिक तर ५ माध्यमिक शाळांमधील शिक्षकांची माहिती पाठविण्याची तयारी चालविली आहे. बहुतांश शिक्षकांची माहिती पाठविली आहे. काही शिक्षकांची माहिती पाठविणे बाकी असल्याचे शिक्षण विभागाने सांगितले.२५ शाळांची माहिती पाठविलीमहापालिकेने ६५ शाळांपैकी २५ शाळांची माहिती मुख्याध्यापकांनी दिलेल्या माहितीच्या आधारे पाठविली आहे. उर्वरित शिक्षकांची माहिती पाठविण्यासाठी प्रयत्न सुरू असल्याचे शाळा निरीक्षक प्रवीण पाटील यांनी सांगितले. ३९४ शिक्षकांची माहिती पाठविणे, त्रुट्या राहू नये, यावर सर्वाधिक भर दिला जात आहे. काही विषयांवर शासनाचे मार्गदर्शन मागविले आहे. ते प्राप्त होताच शिक्षकांची माहिती पाठविली जाईल, असे पाटील म्हणाले.