सखी मंच सदस्यांसाठी ‘वऱ्हाड निघालंय लंडनला...’

संगमनेर : लोकमत सखी मंच सदस्यांसाठी खास ‘वऱ्हाड निघालंय लंडनला...’ या धमाल विनोदी नाटकाचे अयोजन करण्यात आले आहे शुक्रवारी (दि. २५ जुलै ) रोजी दु. ३ वाजता श्रमिक मंगल कार्यालयात (अकोले बायपास रोड, संगमनेर) हा कार्यक्रम होणार आहे. ‘वऱ्हाड निघालंय लंडनला...’ च्या यशाचे जनक ‘वऱ्हाड’ चे सर्वेसर्वा प्रा. डॉ. लक्ष्मणराव देशपांडे यांच्या स्मृतीस वंदन करून सदर नाटक संदीप पाठक हे सादर करणार आहेत.प्रा. डॉ लक्ष्मणराव देशपांडे लिखित व मुकुंद कुलकर्णी यांचे दिग्दर्शन सहाय्य असलेले हे धमाल विनोदी नाटक खास संगमनेर येथील संखी मंच सदस्यांसाठी आयोजित करण्यात आले आहे. हे नाटक सर्व महिलांसाठी विनामुल्य असून सखी मंच सदस्यांनी याचा लाभ घ्यावा, असे आवाहन संयोजकांनी केले आहे.