TMC Election Results 2026 Marathi News | ठाणे महापालिका निवडणूक निकाल २०२६ मराठी बातम्या | Thane Municipal Elections 2026 Results Latest News & Live Updates in Marathi | Thane Election 2026 Winners List | Thane Mahanagar Palika Nikal 2026 | टीएमसी निवडणूक निकाल २०२६

अजित मांडकेठाणे महापालिकेत शिंदेसेनेने आपले वर्चस्व पुन्हा एकदा सिद्ध केले आहे. सलग दुसऱ्यांदा एकहाती सत्ता आणण्यात त्यांना यश तर आले आहेच, शिवाय आठ जागांमध्ये वाढ आहे. दुसरीकडे भाजपने २८ जागा मिळवून वेळप्रसंगी विरोधी बाकावर बसण्याची भूमिका जाहीर केली आहे. असे असताना जे विरोधात लढले होते, त्यातील एकाही पक्षाचे संख्याबळ हे विरोधी पक्षनेता मिळविण्यापर्यंत पोहोचले नसल्याने विरोधी पक्षनेतेपद मिळवण्यात ते अपयशी ठरले तर ठाणे महापालिकेच्या इतिहासात पहिल्यांदाच विरोधी पक्षनेता नसेल.ठाणे महापालिकेच्या निवडणूक निकालांनी शहराच्या राजकारणात स्पष्ट संदेश दिला आहे. १३१ जागांच्या महापालिकेत शिंदेसेनेने ७५ जागा जिंकत पुन्हा एकदा सत्तेवर आपली पकड मजबूत केली आहे. या निकालामुळे ठाण्यातील सत्ता समीकरणे पुन्हा शिंदेसेनेच्या बाजूने झुकली असून, पुढील पाच वर्षे महापालिकेवर एकनाथ शिंदेंचाच एकछत्री अंमल असेल हे निश्चित आहे. भाजपने २८ जागा जिंकत दुसऱ्या क्रमांकाचा पक्ष म्हणून स्वत:ची भूमिका स्पष्ट केली आहे. सत्तेत सहभागी होता आले नाही तर आपण विरोधी बाकावर शहराच्या विकासाच्या दृष्टीने सत्ताधाऱ्यांवर लक्ष देऊ शकतो, असा इशाराही त्यांनी दिला. मात्र शिंदेसेनेकडून भाजपने सत्तेत सहभागी व्हावे, अशी अपेक्षा व्यक्त केली आहे. भाजप विरोधी बाकांवर गेल्यास त्यांना विकासकामे, निधीवाटप, प्रशासनातील पारदर्शकता आणि सत्ताधाऱ्यांचे निर्णय यावर सातत्याने प्रश्न उपस्थित करता येतील.या निवडणुकीत सर्वाधिक नुकसान झाले ते उद्धवसेना, मनसे आणि काँग्रेसचे. उद्धवसेनेला अपेक्षित यश मिळाले नसले तरीदेखील त्यांचा अवघा एक नगरसेवक पालिकेत गेला आहे. तिकडे मनसेला सलग तिसऱ्या निवडणुकीत भोपळाही फोडता आलेला नाही. त्यामुळे आता सत्ताधाऱ्यांच्या विरोधात आक्रमक भूमिका घेण्यासाठी त्यांचा एकही सदस्य सभागृहात असणार नाही. एमआयएममुळे राष्ट्रवादी (शरद पवार)ला धक्का बसला आहे. एमआयएमचे १२ नगरसेवक पालिकेत निवडून आले आहेत. राष्ट्रवादी (अजित पवार)चे ९ सदस्य निवडून आले आहेत. काँग्रेस देखील ठाण्यातून हद्दपार झाली आहे. किंबहुना कॉंग्रेसमुक्त ठाणे हे महायुतीने सिद्ध करुन दाखविले आहे. विरोधी बाकांवरील राष्ट्रवादी (शरद पवार)च्या नगरसेवकांची संख्या लक्षणीयरीत्या घटल्याने केवळ सत्ता दूर गेली असे नाही, तर आता विरोधी पक्षनेतेपद मिळवणेही या राष्ट्रवादी (शरद पवार) आणि उद्धवसेनेला कठीण होणार आहे. महापालिकेत विरोधी पक्षनेता नेमण्यासाठी किमान १४ नगरसेवकांची अट असते. मात्र उद्धवसेना आणि राष्ट्रवादी (शरद पवार) यांच्याकडे ही संख्या गाठण्याइतकी ताकद नसल्याने त्यांना हा महत्त्वाचा संवैधानिक दर्जा मिळण्याची शक्यता धूसर झाली आहे. त्यामुळे सभागृहात त्यांचा आवाज आणखी कमजोर होण्याची चिन्हे आहेत. एकूणच, ठाणे महापालिकेचा हा निकाल शिंदेसेनेला सत्तेची पुनर्स्थापना करणारा, भाजपला मजबूत विरोधी भूमिका देणारा आणि उद्धवसेना, राष्ट्रवादी (शरद पवार) यांना राजकीय आत्मपरीक्षणास भाग पाडणारा ठरला आहे.

Thane Municipal Election Results 2026 | ठाणे महापालिका निवडणूक निकाल २०२६ मराठी बातम्या, मराठी बातम्याFOLLOW

Thane municipal corporation election, Latest Marathi News

ठाणे :शिंदेसेनेतच होणार ‘टफ फाइट’; आरक्षण सोडतीनंतर ठाणे महापालिकेची समीकरणे बदलली !

ठाण्याचे महापौरपद अनुसूचित जाती प्रवर्गासाठी आरक्षित झाले आहे ...

ठाणे :अखेर ठाण्यात महापौरपदासाठी भाजपाने नाव पुढे केले...! महायुतीत पेच वाढणार? अनुसूचित जातीसाठी आरक्षित...

Thane Municipal Mayor BJP Name: महापौर आरक्षण जाहीर झाले असून ठाणे महापालिकेवर आता अनुसूचित जातीचा महापौर विराजमान होणार आहे. ...

महाराष्ट्र :Mayor Reservation: ठाणे, जालना आणि लातूरमध्ये आता 'अनुसूचित जाती'चा महापौर; राजकीय गणिते बदलली!

ठाणे :VIDEO: "...म्हणून मुंब्रा हिरवा करणार"; AIMIM च्या नगरसेविकेने त्या वक्तव्यावर दिलं स्पष्टीकरण

TMC Election 2026: ठाण्यात एमआयएमच्या नवर्निवाचित नगरसेविकेने केलेल्या वक्तव्याने नवा वाद निर्माण झाला आहे. ...

मुंबई :'त्या' सगळ्या अफवा, जिथं महायुतीत लढलो तिथं...; महापौरपदाबाबत एकनाथ शिंदेंची स्पष्ट भूमिका

ठाणे :आता ठाण्यात भाजपला महापौर पद हवे...! मुंबईच्या दबावतंत्रावर डावखरेंनी डाव टाकला, अन्यथा...

ठाणे :शिंदेसेनेची एकहाती सत्ता, विरोधक साफ