Zee Marathi Awards 2018 : तुला पाहते रे ही मालिका झी मराठी अॅवॉर्ड्समध्ये ठरली सर्वोत्कृष्ट, जाणून घ्या कोणाला मिळाला सर्वोत्कृष्ट नायक आणि नायिकेचा पुरस्कार

By ऑनलाइन लोकमत | Published: October 29, 2018 01:18 PM2018-10-29T13:18:30+5:302018-10-29T13:21:38+5:30

कलाकारांचे दिलखेचक परफॉरमन्स, विनोदी स्किटस् आणि सोबतीला कोणता कलाकार, कोणती जोडी, कोणती मालिका, कोणतं कुटुंब सर्वोत्कृष्ट ठरेल याची लागलेली उत्सुकता अशा वातावरणात झी मराठी अॅवॉर्ड्स हा कार्यक्रम रंगतो. नुकताच हा गौरव सोहळा झी मराठी वाहिनीवर प्रसारित करण्यात आला होता.

zee marathi awards 2018 winners | Zee Marathi Awards 2018 : तुला पाहते रे ही मालिका झी मराठी अॅवॉर्ड्समध्ये ठरली सर्वोत्कृष्ट, जाणून घ्या कोणाला मिळाला सर्वोत्कृष्ट नायक आणि नायिकेचा पुरस्कार

Zee Marathi Awards 2018 : तुला पाहते रे ही मालिका झी मराठी अॅवॉर्ड्समध्ये ठरली सर्वोत्कृष्ट, जाणून घ्या कोणाला मिळाला सर्वोत्कृष्ट नायक आणि नायिकेचा पुरस्कार

Next

झी मराठीच्या मालिका प्रेक्षकांमध्ये कमालीच्या लोकप्रिय आहेत. सायंकाळची साडेसहाची वेळ झाली की ‘होम मिनिस्टर’ कार्यक्रमापासून झी मराठी ही वाहिनी घराघरात सुरू होते आणि ‘रात्री जागो मोहन प्यारे’ मालिकेपर्यंत प्रेक्षक आनंदात हे कार्यक्रम बघतात. ‘लागिरं झालं जी’, 'तुला पाहते रे' असो की ‘तुझ्यात जीव रंगला’ यातील सर्व व्यक्तिरेखांवर प्रेक्षक भरभरुन प्रेम करतात. ‘माझ्या नव-याची बायको’मधील राधिकाच्या समस्या प्रेक्षकांना आपल्याशा वाटतात. ‘चला हवा येऊ द्या’ची मंडळी प्रेक्षकांना खळखळून हसवतात तर ‘गाव गाता गजालीची’ मालवणी मंडळी प्रेक्षकांना रोज नव्या नव्या गजाल सांगून त्यांचं मनोरंजन करतात. ‘स्वराज्यरक्षक संभाजी’ मालिकेच्या भव्यतेने प्रेक्षकांचे डोळे दिपून गेले आहेत.

झी मराठीवरील याच मालिकांचा आणि कलाकारांचा गौरव करणारा सोहळा म्हणजे झी मराठी अॅवॉर्ड्स. दरवर्षी अतिशय देखण्या आणि दिमाखदार पद्धतीने हा सोहळा मोठ्या थाटामाटात पार पडतो. कलाकारांचे दिलखेचक परफॉरमन्स, विनोदी स्किटस् आणि सोबतीला कोणता कलाकार, कोणती जोडी, कोणती मालिका, कोणतं कुटुंब सर्वोत्कृष्ट ठरेल याची लागलेली उत्सुकता अशा वातावरणात हा कार्यक्रम रंगतो. नुकताच हा गौरव सोहळा झी मराठी वाहिनीवर प्रसारित झाला आणि त्याचसोबत प्रेक्षकांनी भरभरून मत दिलेले त्यांचे लाडके कलाकार विजयी ठरले. 

ही आहेत झी मराठी अवॉर्ड्स २०१८ च्या विजेत्यांची नावे

सर्वोत्कृष्ट मालिका - तुला पाहते रे

सर्वोत्कृष्ट कथाबाह्य कार्यक्रम - चला हवा येऊ द्या
 
सर्वोत्कृष्ट नायिका - राधिका (माझ्या नवऱ्याची बायको)

सर्वोत्कृष्ट नायक - विक्रांत सरंजामे (तुला पाहते रे)

सर्वोत्कृष्ट जोडी - राणा-अंजली (तुझ्यात जीव रंगला)

सर्वोत्कृष्ट व्यक्तिरेखा (पुरुष) - ईशाचे वडील (तुला पाहते रे)

सर्वोत्कृष्ट व्यक्तिरेखा (महिला) - राधिका (माझ्या नवऱ्याची बायको)

सर्वोत्कृष्ट सहाय्यक व्यक्तिरेखा (पुरुष) - बरकत  (तुझ्यात जीव रंगला)

सर्वोत्कृष्ट सहाय्यक व्यक्तिरेखा (महिला) - रेवती (माझ्या नवऱ्याची बायको)

सर्वोत्कृष्ट भावंडं - राणा-सुरज (तुझ्यात जीव रंगला)

सर्वोत्कृष्ट सून - अंजली  (तुझ्यात जीव रंगला)

सर्वोत्कृष्ट सासू - राधिकाची सासू (माझ्या नवऱ्याची बायको)

सर्वोत्कृष्ट सासरे - राधिकाचे सासरे (माझ्या नवऱ्याची बायको)

सर्वोत्कृष्ट विनोदी व्यक्तिरेखा - राहुल्या (लागीरं झालं जी)

सर्वोत्कृष्ट आई - ईशाची आई (तुला पाहते रे)

सर्वोत्कृष्ट वडील - ईशाचे बाबा (तुला पाहते रे)

सर्वोत्कृष्ट कुटुंब - निमकर कुटुंब (तुला पाहते रे)

सर्वोत्कृष्ट सूत्रसंचालक - संकर्षण कऱ्हाडे (आम्ही सारे खवय्ये)

सर्वोत्कृष्ट खलनायिका - नंदिता (तुझ्यात जीव रंगला)

सर्वोत्कृष्ट खलनायक - हर्षवर्धन (लागीरं झालं जी)

सर्वोत्कृष्ट बालकलाकार - लाडू  (तुझ्यात जीव रंगला)

सर्वोत्कृष्ट शीर्षकगीत - तुला पाहते रे

याच सोबत या सोहळ्यात झी मराठीवरील अनेक लोकप्रिय मालिकांना श्रवणीय आणि अजरामर शीर्षकगीतं देणाऱ्या संगीतकार अशोक पत्की यांना देखील जीवन गौरव पुरस्कार देऊन सन्मानित करण्यात आले.

वाचकहो, 'लोकमत CNX Filmy'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatCNXFilmy ) आणि मिळवा महत्त्वाचे अपडेट्स अन् ताज्या बातम्या!

Web Title: zee marathi awards 2018 winners

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app