खिचडी हा बहुसंख्य भारतीय लोकांचा अतिशय आवडीचा पदार्थ. रात्रीच्या जेवणात खिचडी असली की बस्सं... खिचडीवर वाढलेलं गरमागरम तूप, त्याच्यासोबत तोंडी लावायला पापड आणि लोणचं... जेवण अगदी मस्त होऊन जातं. पण हल्ली वजन आणि शुगर वाढेल म्हणून कित्येक लोकांना आवडत असूनही खिचडी खायला नको वाटतं. हीच अडचण तुमचीही असेल तर मिश्र डाळींची खिचडी करून खाऊन पाहा. ही खिचडी अतिशय पौष्टिक असते. तिच्यामध्ये डाळी जास्त असल्याने प्रोटीन्सही चांगले मिळतात आणि शिवाय वजन आणि शुगर वाढण्याचीही चिंता नसते. ही खिचडी नेमकी कशी करायची ते पाहुया...(Mix Dal Khichadi)
मिश्र डाळींची खिचडी करण्याची रेसिपी
साहित्य
अर्धी वाटी मसूर डाळ
अर्धी वाटी उडीद डाळ
अधिक मास: स्टीलचंच ताट कशाला? जावयाला नव्या पद्धतीच्या सुंदर तबकात द्या वाण, लेकही होईल खुश
१ वाटी मूग डाळ आणि अर्धी वाटी तांदूळ
फाेडणीसाठी तेल, मोहरी, हिंग, जिरे
बारीक चिरलेला कांदा आणि टोमॅटो..
कृती
मिश्र डाळींची खिचडी करण्यासाठी सगळ्यात आधी तर सगळ्या डाळी एकत्र करा. दोन ते तीन वेळा पाण्याने स्वच्छ धुवून घ्या.
त्यानंतर तांदूळ वेगळे धुवून घ्या आणि अर्धा तास पाण्यात भिजत ठेवा.
अधिक मासात जावयासोबत लेकीचंही कौतुक हवंच, लेकीसाठी घ्या सुंदर नारायण पेठ साडी फक्त १२०० रुपयांत
यानंतर गॅसवर कुकर गरम करायला ठेवा. धुवून घेतलेल्या डाळी कुकरमध्ये घालून भाजून घ्या. त्यानंतर त्यामध्ये तांदूळ घालून ते ही भाजून घ्या. डाळ- तांदुळामधला ओलसरपणा कमी झाल्यानंतर त्यात पाणी, हळद, मीठ घालून कुकरचं झाकण लावा आणि मंद ते मध्यम आचेवर शिजवून घ्या.
या खिचडीला वरतून फोडणी घाला. त्यासोबत कांदा, टाेमॅटोही परतून खिचडीमध्ये घाला. मस्त चवदार वेटलॉस खिचडी तयार.