ऑनलाइन परीक्षेच्या सरावासाठी मॉकटेस्ट देणे बंधनकारक

कला, विज्ञान व वाणिज्य पदवी, व्यवस्थापनशास्त्र अभ्यासक्रमांतर्गत सत्र- २, ४ व ६ या सत्रातील बॅकलॉग विद्यार्थ्यांच्या परीक्षा ऑनलाइन एमसीक्यू स्वरूपात घेतल्या जाणार आहेत. ऑनलाइन परीक्षेचा सराव व्हावा, यासाठी ४ जानेवारीपर्यंत विद्यार्थ्यांना मॉकटेस्ट देणे बंधनकारक आहे. विद्यापीठाच्या संकेतस्थळावर ही मॉकटेस्ट देता येईल. विद्यार्थ्यांनी परीक्षेसाठी लॉगइनकरिता युजरनेम म्हणून पीआरएन नंबर टाकावा व त्यानंतर पासवर्ड म्हणून जन्मतारीख नमूद करावी. सराव परीक्षेत लॉगइन झाल्यानंतर आपली शाखा निवडावी. त्यानंतर अभ्यासक्रम निवडावा व त्या दिवशी वेळापत्रकानुसार जो विषय असेल तो निवडावा. प्रश्नाचे उत्तर निवडताना ए,बी,सी,डी समोरील रेडिओ बटनवर क्लिक करावे. या पद्धतीने परीक्षा दिली तर कोणतीही अडचण निर्माण होणार नाही. काही तांत्रिक अडचण निर्माण झाल्यास महाविद्यालयात नेमणूक करण्यात आलेल्या परीक्षा समन्वयकाशी संपर्क साधावा, अशी माहिती परीक्षा व मूल्यमापन मंडळ संचालक बी.पी.पाटील यांनी दिली.