Bigg Boss Marathi 4 : ग्रॅंड फिनालेची उत्सुकता वाढली, टॉप ३ स्पर्धक आणि विजेत्याचे नाव; बघा काय सांगतो लेटेस्ट ट्रेंड !

बिग बॉस मराठी ४ चे पर्व आज संपत आहे. संध्याकाळी ७ वाजता ग्रॅंड फिनाले रंगणार आहे ज्याची घराघरात प्रत्येकालाच उत्सुकता लागली आहे. त्यातच नवीन व्होटिंग ट्रेंडनुसार कोण विजेता होणार हे समोर आले आहे.

Bigg Boss Marathi 4 : बिग बॉस मराठी ४ चे पर्व आज संपत आहे. संध्याकाळी ७ वाजता ग्रॅंड फिनाले रंगणार आहे ज्याची घराघरात प्रत्येकालाच उत्सुकता लागली आहे. त्यातच नवीन व्होटिंग ट्रेंडनुसार कोण विजेता होणार हे समोर आले आहे. अर्थात हे सोशल मीडियावर केलेल्या सर्वेक्षणाचा निकाल आहे पण खरा विजेता कोण हे तर आज रात्रीच स्पष्ट होणार आहे. मात्र सोशल मीडियावरील अंदाजानुसार टॉप ३ स्पर्धक कोण असणार हे समोर आले आहे. त्यातलाच टॉप १ हा विजेता होईल अशी शक्यता आहे.

सातारचा किरण माने होणार का विजेता ?

सातारचा बच्चन अशी ओळख असलेला किरण माने (Kiran Mane) याने मेहनतीच्या जोरावर फिनाले मध्ये प्रवेश केला आहे. इतकंच नाही तर तो विजेता होण्याचा प्रबळ दावेदारही मानला जातोय. किरण माने आणि अपुर्वा नेमळेकर यांच्यात चुरशीची लढत आहे मात्र सातारचा किरण मानेच बाजी मारेल अशी पोस्ट 'बिग बॉस खबरी' या इन्स्टापेजने शेअर केली आहे. यामध्ये किरण माने पहिल्या क्रमांकावर, अपुर्वा नेमळेकर दुसऱ्या क्रमांकावर आणि राखी सावंत तिसऱ्या क्रमांकावर असल्याचं दिसत आहे. तर अमृता धोंगडे चौथ्या आणि अक्षय केळकर पाचव्या स्थानी आहे. 

'मुलगी झाली हो' या मालिकेतून बाहेरचा रस्ता दाखवल्यानंतर किरण माने प्रकाशझोतात आला होता. यानंतर त्याने बिग बॉसमध्ये प्रवेश केला आणि आता थेट ग्रॅंड फिनाले पर्यंच येऊन पोहोचला आहे. सातारी शैली दाखवत त्याने घरात आणि बाहेरही प्रेक्षकांचे मन जिंकले. घरात अपुर्वासोबत तर त्याचे भांडण चांगलेच गाजले. तर आता किरण मानेच जिंकला पाहिजे म्हणून त्याचे चाहते त्याला पाठिंबा देत आहेत.

View this post on Instagram

A post shared by Colors Marathi (@colorsmarathi)

टॉप ५ सदस्य कोण? 

‘बिग बॉस मराठी 4’च्या या शेवटच्या आठवड्यात मिड वीक एव्हिक्शन झालं. त्यामध्ये वाईल्ड कार्ड म्हणून आलेला अभिनेता आरोह वेलणकर घरातून बाहेर पडला. तर याआधी रविवारी झालेल्या एलिमिनेशनमध्ये अभिनेता स्पर्धक प्रसाद जवादे घराबाहेर पडला होता. प्रसाद यंदाच्या सीजनचा एक स्ट्रॉंग स्पर्धक समजला जात होता, अनेकांनी त्याला फायनलमध्ये पाहण्याची अपेक्षा व्यक्त केली होती. परंतु तो बाहेर पडल्याने अनेकांना धक्का बसला होता. दरम्यान पाच स्पर्धक फायनलमध्ये पोहोचले आहेत यामध्ये अपुर्वा नेमळेकर (Apurva Nemlekar), किरण माने (Kiran Mane), अक्षय केळकर(Akshay Kelkar), अमृता धोंगडे (Amruta Dhongde) आणि राखी सावंतचा (Rakhi Sawant) समावेश आहे.

दावेदार सगळेच पण विनर एक

महेश मांजरेकर (Mahesh Manjarekar) यांचे सूत्रसंचालन आणि टॉप ५ स्पर्धकांची वाढलेली धाकधूक. बिग बॉस ४ चे पर्व आज अखेर संपत आहे.  संध्याकाळी ७ वाजता ग्रॅंड फिनालेला सुरुवात होणार आहे. दावेदार सगळेच पण विजेता किंवा विजेती एकच असणार आहे. बघुया या चौथ्या पर्वाची ट्रॉफी कोण घेऊन जातं ते.