मोनालिसावर कोसळला दुःखाचा डोंगर, हरपलं वडिलांचं छत्र, अभिनेत्रीची भावुक पोस्ट

भोजपुरी आणि टीव्ही अभिनेत्री मोनालिसा (Actress Monalisa)वर दुःखाचा डोंगर कोसळला आहे. तिने स्वतः सोशल मीडियाद्वारे चाहत्यांना तिच्या वडिलांच्या निधनाची माहिती दिली आहे. अभिनेत्रीने तिच्या वडिलांचे अनेक फोटो शेअर केले आहेत आणि त्यासोबत एक भावनिक पोस्टही लिहिली आहे. 

अभिनेत्री मोनालिसाने तिच्या इंस्टाग्राम अकाउंटवर हे फोटो शेअर केले आहेत. यापैकी काही फोटोंमध्ये अभिनेत्री तिच्या वडिलांसोबत दिसत आहे. फोटोंसोबत तिने कॅप्शनमध्ये एक भावनिक पोस्टही लिहिली आहे. अभिनेत्रीने लिहिले की, ''माझे प्रिय बाबा, तुम्ही सर्वात बलवान आणि आनंदी होता. काल तुम्ही आम्हाला सोडून स्वर्गात गेलात. शेवटच्या क्षणापर्यंत तुमच्या डोळ्यात जीवन होते. मला फक्त आमच्या आनंदाच्या आठवणी जपायच्या आहेत, कारण तुम्हाला नेहमीच मजा करायला, नाचायला, जेवायला आणि पार्टी करायला आवडत असे.''

'मी नेहमीच तुमच्यावर प्रेम करेन'
अभिनेत्रीने पुढे लिहिले की, ''मला तुझ्या वाढदिवसाच्या शुभेच्छा, किराणा सामान, जेवणाचे ऑर्डर किंवा मोबाईल रिचार्ज मिळणार नाही. हे नेहमीच मिस केले जाईल. मी नेहमीच तुमच्यावर प्रेम करेन.. मला माहित आहे की तू मला रडताना पाहणार नाहीस. शांततेत विश्रांती घे बाबा. तुझी मुन्नी..'' अभिनेत्रीची ही पोस्ट व्हायरल होत आहे.

वर्कफ्रंट
मोनालिसाने तिच्या अभिनय कारकिर्दीची सुरुवात भोजपुरी चित्रपटातून केली होती. तिचे खरे नाव अंतरा बिस्वास आहे. मोनालिसा 'बिग बॉस १०'मधून घराघरात लोकप्रिय झाली. या अभिनेत्रीने 'नजर' आणि 'नमक इश्क का' सारख्या हिट मालिकांमध्ये काम केले आहे. याशिवाय, ती अलीकडेच 'जुडवा जाल' या वेबसीरिजमध्ये देखील दिसली होती.