आईनंतर आता बाबांचंही कमबॅक; 'या' नव्याकोऱ्या मालिकेत मिलिंद गवळी झळकणार, प्रोमो आला समोर

मधुराणीनंतर आता मिलिंद गवळींची स्टार प्रवाहवर एन्ट्री; सोबतीला आहेत 'हे' कलाकार, मालिकेचं नाव आहे...

Vachan Dile Tu Mala New Serial: गेल्या काही महिन्यांमध्ये छोट्या पडद्यावर अनेक नवनवीन मालिका प्रेक्षकांच्या भेटीला आल्या आहेत.  त्याचबरोबर अनेक कालाकारांनी देखील टेलिव्हिजनवर दमदार कमबॅक केलं आहे. त्यात आता लवकरच स्टार प्रवाह वाहिनीवर एक नवीकोरी मालिका प्रेक्षकांच्या भेटीला येणार आहे. काही दिवसांपूर्वीच स्टार प्रवाहवर 'मी सावित्रीबाई जोतीराव फुले' या मालिकेची घोषणा करण्यात आली.  'आई कुठे काय करते' मालिकेनंतर आता या सिरीअलमधून अभिनेत्री मधुराणी प्रभुलकर छोट्या पडद्यावर कमबॅक करते आहे. या मालिकेत अमोल कोल्हे हे महात्मा जोतीराव फुले यांच्या भूमिकेत आहेत. 

दरम्यान, एकीकडे या मालिकेची चर्चा असताना स्टार प्रवाह वाहिनीने आणखी एका मालिकेची घोषणा केली आहे. 'वचन दिले तू मला' असं या नव्याकोऱ्या मालिकेचं नाव आहे. या मालिकेतून अभिनेते मिलिंद गवळी पुन्हा एकदा स्टार प्रवाहवर कमबॅक करत आहेत. या नव्या मालिकेचा प्रोमो नुकताच प्रेक्षकांच्या भेटीला आला. ही मालिका येत्या १५ डिसेंबरपासून  प्रसारित केली जाणार आहे. त्यामुळे चाहते देखील प्रचंड उत्सुक आहेत. दरम्यान, मिलिंद गवळी यांची आई कुठे काय करते मालिकेतील अनिरुद्धची भूमिका प्रचंड गाजली होती.  त्यानंतर ते नव्या भूमिकेत चाहत्यांच्या भेटीला येत आहेत.
 
या कलाकारांच्याही भूमिका...

'वचन दिले तू मला' या मालिकेत मिलिंद गवळींसह अभिनेत्री अनुष्का सरकटे मुख्य भूमिकेत दिसेल. तर तिच्यासोबत इंद्रनील कामत हा मुख्य भूमिकेत पाहायला मिळणार आहे. ही मालिका वकिली पेशावर आधारित आहे.