कुठे गेला 'महाराष्ट्राची हास्यजत्रा' स्टार ओंकार भोजने? धरलीये गावाकडची वाट, करतोय 'हे' काम

'महाराष्ट्राची हास्यजत्रा'मधून घराघरात पोहोचलेला ओंकार भोजने सध्या मात्र कुठेच दिसत नाहीये. नक्की काय करतोय ओंकार? चला जाणून घेऊया.

'महाराष्ट्राची हास्यजत्रा' हा छोट्या पडद्यावरील लोकप्रिय आणि प्रेक्षकांच्या मनात घर केलेला कॉमेडी शो.

या शोमुळेच ओंकार भोजनेला प्रसिद्धी मिळाली. कॉमेडीचं अचूक टायमिंग साधत आणि टॅलेंटच्या जोरावर ओंकारने त्याची जागा निर्माण केली.

'महाराष्ट्राची हास्यजत्रा'मधून घराघरात पोहोचलेला ओंकार भोजने सध्या मात्र कुठेच दिसत नाहीये. नक्की काय करतोय ओंकार चला जाणून घेऊया.

'महाराष्ट्राची हास्यजत्रा'मधून एक्झिट घेतल्यानंतर ओंकार हसताय ना हसायलाच पाहिजे या शोमध्ये दिसला होता. पण, सध्या तो अभिनय सोडून वेगळंच काम करत आहे.

ओंकारची पावलं त्याची गावी चिपळूणकडे वळली आहेत. त्याची चिपळूणमध्ये स्वच्छतादूत म्हणून नेमणूक झाली आहे.

सध्या ओंकारने त्याच्या गावी स्वच्छता आणि प्लास्टिक निर्मूलनाचं जनजागृतीचं काम हाती घेतलं आहे.

प्लास्टिक आणि कचरा संकलन मोहिमेचा शुभारंभ ओंकारच्या हस्ते करण्यात आला. त्याने स्वत: घंटागाडीतून फिरुन कचरा जमा करत स्वच्छतेचा संदेश दिला.

"माझ्या शहरासाठी माझी स्वच्छतादूत म्हणून नेमणूक झाली म्हणून नव्हे, तर नागरिक म्हणूनही पर्यावरण जपण्याची माझी जबाबदारी आहे".

"गावाबाहेर असलेल्यांनीसुद्धा या मोहिमेत सहभागी होणं गरजेचं आहे. त्यामुळे त्यासाठी कोणीतरी एक ब्रँड अँबेसेडर असू शकत नाही असं मला वाटतं", असं ओंकार म्हणाला.