अचानक लग्न करणार असल्याची बातमी देऊन 'महाराष्ट्राची हास्यजत्रा'च्या अभिनेत्रीने शेअर केले फोटो, चाहत्यांना आनंद

'महाराष्ट्राची हास्यजत्रा' हा सर्वांचा लाडका शो. 'महाराष्ट्राची हास्यजत्रा' फेम अभिनेत्रीने सोशल मीडियावर लग्न करणार असल्याची गुड न्यूज शेअर करुन सर्वांना सुखद धक्का दिलाय

ही अभिनेत्री दुसरी तिसरी कोणी नसून ती आहे ईशा डे. 'महाराष्ट्राची हास्यजत्रा' गाजवणारी ईशा लवकरच लग्न करणार आहे

ईशाने ग्रहमख विधीचे फोटो शेअर करुन सर्व चाहत्यांना ही आनंदाची बातमी दिली आहे. ईशाची मैत्रीण आणि कुटुंबियांनी अभिनेत्रीचे हे लग्नाआधीचे विधी केले

ईशा या फोटोत खूप आनंदात दिसत आहे. ईशाने मोरपिशी रंगाची लाल पदर असलेली खास साडी परिधान करुन कॅमेरात पोझ दिली आहे.

ईशा डेचा होणारा नवरा कोण आहे हे मात्र अद्याप गुलदस्त्यात आहे. तरीही ईशाने अचानक ही बातमी दिल्याने चाहत्यांनी तिच्यावर अभिनंदनाचा वर्षाव केला आहे

ईशा डे ही सर्वांची आवडती अभिनेत्री. गेली अनेक वर्ष 'महाराष्ट्राची हास्यजत्रा'च्या माध्यमातून ईशा चाहत्यांचं मनोरंजन करत आहे.

'महाराष्ट्राची हास्यजत्रा' शिवाय ईशाने गुलकंद या मराठी सिनेमात काम करुन सर्वांंचं मन जिंकलं. ईशाच्या होणाऱ्या नवऱ्याबद्दल सर्वांना उत्सुकता होईल. आगामी दिवसात त्याचा उलगडा होईलच