'पवित्रा रिश्ता' फेम अंकिता लोखंडेला आलेला कास्टिंग काऊचचा अनुभव, म्हणाली- "त्यांना माझ्यासोबत..."

अंकिताला सुरुवातीच्या काळात कास्टिंग काऊचचा सामना करावा लागला होता. नुकत्याच दिलेल्या मुलाखतीत तिने याबाबत खुलासा करत तो प्रसंग सांगितला.

अंकिता लोखंडे ही लोकप्रिय टीव्ही अभिनेत्री आहे. पवित्र रिश्ता या मालिकेमुळे अंकिता घराघरात पोहोचली. त्यानंतर अनेक सिनेमांमध्येही ती दिसली.

पण, अंकिताचा कलाविश्वातील हा प्रवास अजिबातच सोपा नव्हता. अंकिताला सुरुवातीच्या काळात कास्टिंग काऊचचा सामना करावा लागला होता.

नुकत्याच दिलेल्या मुलाखतीत तिने याबाबत खुलासा करत तो प्रसंग सांगितला. अंकिता म्हणाली, "मी तेव्हा फक्त १९-२० वर्षांची असेन. पण मी स्मार्ट होते".

मी खोलीत एकटीच होते. मी त्यांना थेट विचारलं की तुमच्या निर्मात्याला नक्की कोणत्या प्रकारचं कॉम्प्रोमाइज हवं आहे.

त्यांना मला कोणत्या पार्टीमध्ये घेऊन जायचं आहे की डिनरला सोबत जायचं आहे. मी त्यांना म्हणाले की मला वाटतं तुमच्या निर्मात्याला एका मुलीसोबत झोपायचं आहे.

त्यांना एका टॅलेंटेड मुलीसोबत काम करण्याची इच्छा नाही. त्यानंतर त्यांनी माझी माफी मागितली.

ते मला म्हणाले की मी प्रयत्न करेन की तुम्हाला या सिनेमात काम मिळेल. त्यानंतर मी त्यांना म्हणाले की मला काम करण्यात काही इंटरेस्ट नाही. त्यानंतर मी तिथून निघून गेले.