"तुझं रूप हे नक्षत्राचं...", पैठणी साडीत खुललं शर्वरी जोगचं सौंदर्य; मराठमोळा अंदाज पाहून नेटकरी म्हणाले...

स्टार प्रवाह वाहिनीवरील 'कुन्या राजाची गं तू राणी' मालिकेच्या माध्यमातून अभिनेत्री शर्वरी जोग नावारुपाला आली.

या मालिकेत तिने साकारलेलं गुंजा नावाचं पात्र प्रेक्षकांच्या पसंतीस उतरलं होतं.

दरम्यान, आता शर्वरी नव्या मालिकेच्या माध्यमातून पुन्हा एकदा प्रेक्षकांच्या भेटीला येत आहे.

'तू ही रे माझा मितवा' या स्टार प्रवाहवरील आगामी मालिकेत ती अभिनेता अभिजीत आमकरसोबत मुख्य भूमिकेत पाहायला मिळणार आहे.

त्यामुळे चाहते देखील उत्सुक आहेत.

शर्वरी जोग सोशल मीडियावर कायमच सक्रिय असते. त्याद्वारे तिचे नवीन फोटो, व्हिडीओ ती चाहत्यांसोबत शेअर करत असते.

नुकतेच शर्वरीने गुलाबी रंगाची पैठणी साडी नेसून सुंदर फोटोशूट केलं आहे.

मोकळे केस, कानात झुमके त्यात साडी नेसून अभिनेत्रीने साजशृंगार केला आहे.

शर्वरी जोगचं हे नवं फोटोशूट नेटकऱ्यांच्या पसंतीस उतरलं आहे.