सुप्रियाआधी 'या' मराठी अभिनेत्रीच्या प्रेमात होते सचिन पिळगावकर, दोघांनी एकत्र केलंय काम

सुप्रियाआधी सचिन एका मराठी अभिनेत्रीसोबत रिलेशनशीपमध्ये होते. त्यांनी आत्मचरित्रात या गोष्टीचा उल्लेख केला आहे

सचिन यांनी खऱ्या आयुष्यात सुप्रिया यांच्याशी लग्न केलं असलं तरीही सुप्रियाआधी ते बॉलिवूडमधील लोकप्रिय अभिनेत्रीच्या प्रेमात होते. ही अभिनेत्री सारिका.

सचिन हे तेव्हा १८ वर्षांचे होते. 'गीता गाता चल' या सिनेमाच्या सेटवर सचिन-सारिका यांची पहिली भेट झाली. याच सिनेमाच्या सेटवर दोघांची मैत्री वाढली आणि मैत्रीचं रुपांतर प्रेमात झालं.

सारिका या मुळच्या मराठीत आहेत. त्यांच्या वडिलांचं आडनाव सावंत. परंतु त्यांच्या आई-वडिलांचं नातं टिकलं नाही म्हणून त्यांची आई सारिकाच्या लहानपणीच तिला घेऊन वेगळं राहू लागली

सारिका-सचिनची जोडी सुपरहिट ठरत होती. दोघांनी आठ-नऊ सिनेमांमध्ये एकत्र काम केलं. परंतु सारिका-सचिनचं नातं सारिकाच्या आईला मान्य नव्हतं.

सचिनसोबतच्या रिलेशनशीपमुळे लेकीच्या करिअरवर परिणाम होईल, अशी सारिकाच्या आईला भीती होती. त्यामुळेच सारिका आणि सचिन यांच्या नात्यात दुरावा आला.

पुढे सारिकाने कमल हासन यांच्याशी लग्न केलं. सचिन यांचंही वैयक्तिक आणि व्यावसायिक आयुष्य वेगळं झालं पण सारिका-सचिन दोघांनी मैत्री कायम जपली.

सचिन यांनी त्यांच्या आत्मचरित्रात या गोष्टीचा उल्लेख केलाय. यासाठी त्यांनी सारिकाची परवानगी घेतली होती. an affair to remember, असा खास उल्लेख त्यांनी केलाय