डोईला मुंडावळ्या, गळ्यात हार अन्...; शिवानी सुर्वे-अजिंक्य ननावरेच्या शाही विवाहसोहळ्याचा वेडिंग अल्बम

डोक्यावर फेटा, डिझायनर लेहेंगा अन्...; लग्नासाठी शिवानी-अजिंक्यचा शाही थाट, पाहा वेडिंग अल्बम

अभिनेत्री शिवानी सुर्वे आणि अभिनेता अजिंक्य ननावरे नुकतेच विवाहबंधनात अडकले आहेत. गुपचूप साखरपुडा केल्यानंतर आज त्यांनी लग्नगाठ बांधली.

ठाणेमधील येऊर येथील एक्झॉटिका द ट्रॉपिकल रिट्रीट या रिसॉर्टमध्ये त्यांचा शाही विवाहसोहळा पार पडला.

शिवानी-अजिंक्यच्या शाही विवाहसोहळ्याला मराठी कलाविश्वातील मंडळींनीही हजेरी लावली होती. त्यांच्या लग्नसोहळ्याचे फोटो व्हायरल झाले आहेत.

घोड्यावर वरात घेऊन अजिंक्य विवाहसोहळ्यात आला होता तो क्षण.

आयुष्यातील या खास क्षणासाठी शिवानी आणि अजिंक्यने शाही लूक केला होता.

शिवानीने बदामी रंगाचा डिझायनर लेहेंगा परिधान केला होता. तर अजिंक्यने सूट परिधान करत डोक्यावर फेटा बांधला होता.

शिवानी आणि अजिंक्यने ३१ जानेवारीला साखरपुडा केला. त्याचे फोटो शेअर करत त्यांनी चाहत्यांना आश्चर्याचा धक्काच दिला.

त्यानंतर १ फेब्रुवारीला अजिंक्य आणि शिवानीने विवाहबंधनात अडकत त्यांच्या नव्या आयुष्याला सुरुवात केली आहे.

मित्रपरिवार आणि कुटुंबियांच्या उपस्थितीत शिवानी आणि अजिंक्यने सात फेरे घेत लग्नगाठ बांधली आहे.