PICS : आज की पार्टी लोलो की तरफ से...! करिश्मा कपूरच्या डिनर पार्टीत करिना, मलायकाची धम्माल

Karisma Kapoor's Dinner Party : बॉलिवूड सेलिब्रिटी पार्टीची एकही संधी सोडत नाहीत. करण जोहर गँग तर अजिबात नाही. काल अशीच एक पार्टी रंगली आणि या गँगनं धम्माल पार्टी केली.

बॉलिवूड सेलिब्रिटी पार्टीची एकही संधी सोडत नाहीत. करण जोहर गँग तर अजिबात नाही. काल अशीच एक पार्टी रंगली आणि या गँगनं धम्माल पार्टी केली.

होय, करिश्मा कपूरनं काल खास डिनर पार्टी आयोजित केली होती. या पार्टीला सगळी गँग एकत्र जमली. या पार्टीचे अनेक फोटो सध्या व्हायरल होत आहेत.

करिना कपूर या पार्टीला असणारचं. तिने बहिणीच्या पार्टीला अशी स्टाइलिश एन्ट्री घेतली. मल्टीकलर्ड काफ्तानमध्ये स्टनिंग करिनाने पापाराझींना मस्तपैकी पोझ दिल्यात.

मलायका अरोरा ही या गँगची सगळ्यात महत्त्वाची व्यक्ती. मलायका कारमधून उतरताच पापाराझींनी तिला घेराव घातला. नेहमीप्रमाणे मलायकाचा लुक हटके ठरला.

करण जोहरशिवाय पार्टी होणारच कशी? पार्टीची जान असलेला करण नेहमीसारख्या हटके लुकमध्ये करिश्माच्या या पार्टीला पोहोचला. त्यानेही कॅमेऱ्याला पोझ दिल्यात.

या पार्टीचे काही फोटो मनीष मल्होत्राने त्याच्या इन्स्टाग्रामवर शेअर केले आहेत. यात सगळे धम्माल मस्ती करताना दिसत आहेत. करिश्मा व करिनासोबत त्याची ही सेल्फी पाहाच.

करण व मनीष मल्होत्रा दोघंही जिगरी यार आहेत. पार्टीच्या निमित्ताने मग सेल्फी तर बनतोच. मनीषने करणसोबतचा सेल्फीही शेअर केला आहे.

संजय कपूची पत्नी महिप कपूर ही सुद्धा पार्टीत होती. तिच्यासोबत सेल्फी घेण्याचा मोह मनीष मल्होत्राला आवरता आला नाही.

मलायका अरोरा पार्टीला होती. शिवाय तिची बहिण अमृता अरोराही पार्टीला हजर होती. या दोघींसोबत मनीषने अशी मस्त सेल्फी घेतली.

ही सेल्फी सगळ्यात खास आहे. यात मनीष करिना व संजय कपूर यांच्यासोबत दिसतोय. पार्टीत सर्वांनी किती धम्माल केली, याचा अंदाज तुम्हाला या फोटोंवरून येईलच.