Facebook फोटोमुळे मिळाला पहिला सिनेमा अन् नशीब पालटलं! आज 'ही' अभिनेत्री करोडोंची मालकीण

कोणाचं नशीब कधी बदलेल काही सांगता येत नाही. एका फेसबुक फोटोमुळे प्रसिद्ध अभिनेत्रीचं नशीब बदललं आणि तिला थेट सिनेमाची ऑफर मिळाली. आज ही अभिनेत्री बॉलिवूडची आघाडीची कलाकार आहे.

ही अभिनेत्री दुसरी तिसरी कोणी नसून ती आहे श्रद्धा कपूर. हो तुम्ही बरोबर वाचताय. एका फेसबुक फोटोमुळे श्रद्धाला बॉलिवूडचा पहिला सिनेमा मिळाला होता.

श्रद्धा कपूर तेव्हा अमेरिकेतील बोस्टन युनिव्हर्सिटीमध्ये मानसशास्त्राचे (Psychology) शिक्षण घेत होती. तेव्हा तिने तिचे काही फोटो फेसबुकवर अपलोड केले होते.

निर्माती अंबिका हिंदुजा त्यावेळी एका सिनेमासाठी नवीन चेहऱ्याच्या शोधात होती. तिला श्रद्धाचे काही फोटो फेसबुकवर दिसले आणि तिने श्रद्धाच्या भावाशी संपर्क साधला

पुढे श्रद्धाला ऑडिशनसाठी बोलावण्यात आलं. श्रद्धाने त्यावेळी सायकोलॉजीच्या पहिल्या वर्षाला होती. परंतु सिनेमात नशीब आजमवण्याच्या उद्देशाने श्रद्धा शिक्षण सोडून मुंबईत आली.

त्यानंतर श्रद्धा कपूरला तीन पत्ती सिनेमासाठी निवडण्यात आलं. २०१० साली हा सिनेमा रिलीज झाला होता. या सिनेमात श्रद्धासह अमिताभ बच्चन, आर. माधवन अशी तगडी स्टारकास्ट होती.

श्रद्धा कपूर सध्या बॉलिवूडची आघाडीची हिरोईन आहेच शिवाय ती करोडोंची मालकीण आहे. श्रद्धा आता आगामी ईठा सिनेमातून प्रेक्षकांच्या भेटीला येणार आहे.