Bigg Boss 19 : अशनूर कौर आणि अभिषेक बजाजमध्ये 'किती' आहे वयाचे अंतर?

बिग बॉस १९ चा लव्ह अँगल चर्चेत; अशनूर ही अभिषेकपेक्षा किती वर्षांनी आहे लहान?

वादग्रस्त रिॲलिटी शो 'बिग बॉस १९'मध्ये सध्या अभिनेता अभिषेक बजाज आणि अभिनेत्री अशनूर कौर यांच्यातील जवळीक लक्ष वेधून घेत आहेत.

अशनुर कौर आज एक लोकप्रिय अभिनेत्री आहे. तिने बालकलाकार म्हणून इंडस्ट्रीत पाऊल ठेवलं होतं. वयाच्या ५ व्या वर्षापासूनच तिने अभिनयाचे धडे गिरवायला सुरुवात केली.

'झांसी की रानी', 'ये रिश्ता क्या कहलाता है', 'पटियाला बेब्स' आणि 'सुमन इंदोरी' यांसारख्या लोकप्रिय मालिकांमध्ये तिने काम केले आहे.

मालिकांनंतर सध्या ती बिग बॉसचं घर गाजवत आहे. यावेळी ती बिग बॉस सीझन १९ मधील सर्वात तरुण स्पर्धक आहे.

अशातच दोघांमध्ये असलेलं वयाच अंतर चर्चेत आलं आहे. अभिषेक बजाज हा लोकप्रिय अभिनेता असून तो 'स्टुडंट ऑफ द इयर २'मध्ये झळकला आहे.

अशनूर कौर ही फक्त २१ वर्षांची असून अविवाहित आहे. तर दुसरीकडे अभिषेक हा घटस्फोटीत आहे.

अभिषेक बजाजचं लग्न आकांक्षा जिंदालशी झालं होतं. ते बालपणीचे मित्र होते. त्यानंतर सात वर्षांच्या डेटिंगनंतर त्यांनी लग्न केलं. लग्नाच्या दीड वर्षानंतर या जोडप्यानं घटस्फोट घेतला.

आता, आकांक्षानं त्यांच्या ब्रेकअपचं कारण सांगितलं आहे, ज्यामुळे सर्वांनाच धक्का बसलाय. आकांक्षाने अभिषेकवर फसवणूक आणि विश्वासघाताचा गंभीर आरोप केला.

अभिषेक बजाज आणि अशनूर कौर यांच्या दोघांच्या वयात तब्बल १२ वर्षांचे अंतर आहे. अशनूर अभिषेकपेक्षा १२ वर्षांनी लहान आहे.

बिग बॉसच्या घरात या दोघांमधील जवळीक पाहून आता हे नातं कुठवर जातंय याकडे सगळ्यांचं लक्ष लागलंय.