शेतकरी आंदोलनाचा दुसरा टप्पा सोमवारपासून

मलकापूर तहसील कार्यालयावर निदर्शने केली जाणार.

मलकापूर : शेतकरी आंदोलनाचा दुसरा टप्पा १२ जून सोमवारपासून सुरू होणार असून, मलकापुरा त सकाळी ११ वा. तहसील कार्यालयावर शेतकर्‍यांची निदर्शने केली जाणार आहेत. या आंदोलनात शेतकरी संघटनांचे सर्व गट, काँग्रेस, राष्ट्रवादी, आरपीआय, कवाडे गट आदी पक्षाचे पदाधिकारी व कार्यकर्ते सहभागी होतील, अशी माहिती शेतकरी नेते अँड.साहेबराव मोरे यांनी दिली आहे.शेतकर्‍यांचे सरसकट कर्जमाफ व्हावे, त्यांच्या शेतमालाला उत्पादन खर्चावर आधारित व नफा असा भाव मिळावा, यातील कोणतीही मागणी मंजूर करीत नसल्यामुळेच शेतकरी संपाचा दुसरा टप्पा सुरू करण्यात येणार आहे.