पवनारा पूल पोचमार्गावरील खड्डा ठरतोय जीवघेणा

तुमसर - नाकाडोंगरी कटंगी आंतरराज्यीय मार्गावर पवनारा पूलाचा पोचमार्ग खड्डेमय झाला आहे. सदर खड्याने पूर्ण रस्ताच व्यापल्याचे येथे चित्र आहे. किमान खड्डे बुजविण्याचे सौजन्य तुमसर सार्वजनिक बांधकाम विभागाने दाखविण्याची गरज निर्माण झाली आहे. या मार्गावर वाहनांची मोठी वर्दळ असते. मॅग्नीज खाणीतील जड वाहने याच रस्त्यावरुन धावतात. त्यामुळे येथे अपघाताची शक्यता नाकारता येत नाही. वाहनधारकांत अपघाताची भीती आहे.

ठळक मुद्देवाहनधारकांचा जीव धोक्यात : सार्वजनिक बांधकाम विभागाचे दुर्लक्ष

लोकमत न्यूज नेटवर्कतुमसर : तुमसर - नाकाडोंगरी मार्गावर पवनारा पूलाजवळील रस्त्यावर मोठा खड्डा पडला आहे. या पूलाचे दोन वर्षापूर्वी बांधकाम झाले होते. पूलाचा पोचमार्ग धोकादायक झाला असून आंतरराज्यीय महामार्गाकडे बांधकाम विभागाचे दुर्लक्ष होताना दिसत आहे.तुमसर - नाकाडोंगरी कटंगी आंतरराज्यीय मार्गावर पवनारा पूलाचा पोचमार्ग खड्डेमय झाला आहे. सदर खड्याने पूर्ण रस्ताच व्यापल्याचे येथे चित्र आहे. किमान खड्डे बुजविण्याचे सौजन्य तुमसर सार्वजनिक बांधकाम विभागाने दाखविण्याची गरज निर्माण झाली आहे. या मार्गावर वाहनांची मोठी वर्दळ असते. मॅग्नीज खाणीतील जड वाहने याच रस्त्यावरुन धावतात. त्यामुळे येथे अपघाताची शक्यता नाकारता येत नाही. वाहनधारकांत अपघाताची भीती आहे. नादुरुस्त रस्त्यामुळे सर्वसामान्य वाहनधारकांना जीव मुठीत घालून येथून मार्ग काढावा लागत आहे. खड्यात पावसाचे पाणी साचल्याने वाहनधारकांना खड्याचा अंदाज येत नाही. त्यामुळे अपघाताची शक्यता नाकारता येत नाही.रस्त्याची गिट्टी बाहेर आली आहे. त्यामुळे पोचमार्ग बांधकाम गुणवत्तेवर प्रश्नचिन्ह उपस्थित होत आहे. मात्र या प्रकाराकडे कुणाचेही लक्ष नाही.जीव गेल्यावर दुरुस्ती करणार काय?तुमसर - नाकाडोंगरी मार्गावरील पवनारा पुलावरील रस्त्यावर असलेल्या मोठ्या खड्ड्यामुळे वाहनधारक त्रस्त झाले असून वाहनधारकांचा जीव गेल्यावर दुरुस्ती करणार काय? असा संतप्त सवाल केला जात आहे. याकडे बांधकाम विभागाचे दुर्लक्ष असून रस्त्याचे दुरुस्ती करण्याची गरज आहे.