आज दिसणार ‘सुपरमून’

खगोलीय घटनेमध्ये चंद्र पृथ्वीच्या जवळ आल्याने समुद्राच्या भरती-ओहोटीची तीव्रता वाढणे, वादळ यांसारख्या घटना घडू शकतात. चंद्रावरून पृथ्वीवर प्रकाशकिरणे येण्यास १.३ सेकंद लागतात. जेव्हा पृथ्वी व चंद्र यांच्यातील अंतर ३,७०,००० किलोमीटरच्या आत असते तेव्हा त्याला ‘सुपरमून’ असे म्हणतात.

ठळक मुद्देखगोलीय घटना : साध्या डोळ्यांनी अवलोकन

लोकमत न्यूज नेटवर्कअमरावती : यंदा एकूण चार सुपरमून दिसणार आहेत. त्यापैकी पहिला सुपरमून ९ फेब्रुवारीच्या पौर्णिमेला दिसणार आहे. या सुपरमूनला ‘फुल-स्रो मून, फुल-हंगर मून’ असेही म्हणतात. पृथ्वी व चंद्र यांच्यातील अंतर नेहमी सरासरी ३ लाख ८५ हजार किलोमीटर असते. परंतु, या दिवशी हे अंतर थोडे कमी राहील. त्यामुळे चंद्रबिंब मोठे व प्रकाशमान दिसेल.खगोलीय घटनेमध्ये चंद्र पृथ्वीच्या जवळ आल्याने समुद्राच्या भरती-ओहोटीची तीव्रता वाढणे, वादळ यांसारख्या घटना घडू शकतात. चंद्रावरून पृथ्वीवर प्रकाशकिरणे येण्यास १.३ सेकंद लागतात. जेव्हा पृथ्वी व चंद्र यांच्यातील अंतर ३,७०,००० किलोमीटरच्या आत असते तेव्हा त्याला ‘सुपरमून’ असे म्हणतात. चंद्राचे वय हे ४.६५ अब्ज वर्ष आहे. चंद्र हा पृथ्वीपासून दरवर्षाला ३.८ सेंटिमीटर लांब जात आहे. त्यामूळे पृथवीचा फिरण्याचा वेग कमी होईल. आणखी १०० वर्षांनी दिवस हा दोन मिलिसेकंदाने मोठा होईल. चंद्रावर ३० हजार विवरे व १२ पर्वत आहेत. पर्वत व विवरे दुर्बिणीमधून अगदी चांगल्या प्रकारे पाहता येतात. ९ फेब्रुवारीला रात्री दिसणारा सुपरमून खगोलप्रेमी व जिज्ञासूंनी अवश्य बघावा. हा सुपरमून अगदी सध्या डोळ््यांनी पाहता येईल, असे मराठी विज्ञान परिषद, अमरावती विभागाचे हौशी खगोल अभ्यासक विजय गिरूळकर व प्रवीण गुल्हाने यांनी सांगितले.