रेशन कार्डवरही मिळणार जीवनदायीचा लाभ

आर्थिक दुर्बल कुटुंबांना दज्रेदार आरोग्यसेवा देण्यासाठी शासनाने राजीव गांधी जीवनदायी आरोग्य योजना सुरू केली. याचा लाभ घेण्याकरिता जीवनदायी कार्डचे वाटप करण्यात आले;

अमरावती : आर्थिक दुर्बल कुटुंबांना दज्रेदार आरोग्यसेवा देण्यासाठी शासनाने राजीव गांधी जीवनदायी आरोग्य योजना सुरू केली. याचा लाभ घेण्याकरिता जीवनदायी कार्डचे वाटप करण्यात आले; मात्र माहिती अपडेट न होऊ शकल्याने अनेकांना कार्ड मिळाले नाहीत. त्यामुळे अशा लाभार्थ्यांना योजनेपासून वंचित राहावे लागत आहे. त्यावर उपाय म्हणून आता रेशनकार्ड व आधारकार्डवरही योजनेचा लाभ देण्याचा निर्णय घेण्यात आला आहे.दारिद्रय़रेषेखालील नागरिकांना दज्रेदार आरोग्य सेवा मिळावी, या उद्देशाने २१ नोव्हेंबर २0१२ पासून शासनाने राजीव गांधी जीवनदायी योजना लागू केली. या योजनेंतर्गत ९७१ प्रकारच्या शस्त्रक्रिया, औषधोपचार व १२१ तपासणी उपचारांचा लाभ घेता येणार आहे. जीवनदायी योजनेचा लाभ घेण्यासाठी कुटुंबांना कार्ड वाटप करण्यात आले. या माहितीसाठी शिधापत्रिकेची माहिती ग्राह्य धरण्यात आली. मात्र, संबंधित विभागाने अशा कार्डधारकांची माहिती अपडेट केली नाही. ज्या कुटुंबांचा डेटा अपडेट केला; त्यातही मेळ नसल्याचे समोर आले. एका कुटुंबातील नावे दुसर्‍याच कुटुंबात गेल्याचे निदर्शनास आले. या कारणाने अनेकांना योजनेपासून वंचित राहावे लागत आहे. याची दखल घेऊन शासनाने शिधापत्रिका व आधारकार्ड असतानाही योजनेचा लाभ देण्याच्या सूचना संबंधित कंपनी व जिल्हय़ातील रुग्णसेवा देणार्‍या रुग्णालयांना दिल्या आहेत. या निर्णयामुळे आता रेशनकार्डधारकांनादेखील या योजनेचा लाभ दिला जाणार आहे. मात्र शिधापत्रिकेवर नोंदणीची तारीख असणे बंधनकारक आहे. ती नसल्यास तहसील कार्यालयात जाऊन तारीख नोंदवून घेणे आवश्यक असल्याचे स्पष्ट करण्यात आले आहे.