Ganesh Utsav 2025 | Ganapati Utsav 2025 | Gharcha Ganapati | Ganesh Chaturthi 2025 | गणेश चतुर्थी २०२५ | Puja | Aarti | Decoration | Darshan| Videos | Photos | Recipes

औरंगाबाद : भरपूर पाऊस झाल्याने पाण्याने तुडुंब भरलेल्या हर्सूल तलावासह शहरालगतच्या अन्य तलावांत गणेशमूर्तीचे विसर्जन करता येणार नाही. तलाव परिसरात संचारबंदी लागू करण्यात येणार आहे. यामुळे तलावात विसर्जन करण्याचा प्रयत्न करणाऱ्या नागरिकांवर गुन्हा दाखल करण्याचा इशारा पोलीस आयुक्त चिरंजीव प्रसाद यांनी गुरुवारी दिला.पोलीस आयुक्त म्हणाले, कोरोना महामारीच्या पार्श्वभूमीवर यंदा गणेशोत्सवाला सुरुवात झाली. कोरोना संसर्ग टाळण्यासाठी यावर्षी श्री विसर्जन मिरवणूक काढण्यास परवानगी नाही. असे असले तरी विसर्जनाच्या दिवशी शहरात पोलिसांचा कडक बंदोबस्त असेल. गणेशमूर्ती विसर्जन करण्यासाठी नागरिकांनी विसर्जन विहिरींवर गर्दी करू नये, याकरिता कॉलनीतील गणेश मंडळाच्या वाहनातून प्रत्येक घरातील मूर्ती संकलित केल्या जातील. जेथे मंडळ नाही अशा ठिकाणी पोलीस आणि महापालिकेच्या सजवलेल्या वाहनामधून सर्व मूर्ती जमा करून त्या मूर्तींचे विहिरीत विधिवत विसर्जन केले जाणार आहे. या उपक्रमाला नागरिकांनी प्रतिसाद द्यावा, असे आवाहन पोलीस आयुक्त चिरंजीव प्रसाद यांनी केले. तलाव परिसरात लागू राहील कलम १४४भरपूर पाऊस पडल्याने हर्सूलसह मिटमिटा, पडेगाव, वाल्मी आणि देवळाई येथील तलाव पाण्याने तुडुंब भरले आहेत. गणपती विसर्जन करताना दुर्घटना होण्याचा धोका लक्षात घेता तलावात गणेशमूर्ती विसर्जनास परवानगी नाही. एवढेच नव्हे तर तलाव परिसरात कलम १४४ लागू करण्यात येणार आहे. यामुळे तलावात मूर्ती विसर्जनाचा प्रयत्न करणाºया व्यक्तींविरुद्ध गुन्हा दाखल करण्यात येईल. कायगाव टोका येथे जाण्यास मनाई : शहरातील हजारो भाविक दरवर्षी श्री विसर्जनासाठी वाहनाने कायगाव टोका येथे जातात. यावर्षी कोरोनामुळे गणेशभक्तांना कायगाव टोका येथे जाण्यास मनाई करण्यात आलेली आहे.पोलिसांचा मोठा बंदोबस्त : विसर्जन मिरवणूक नसली तरी शहरात नेहमीसारखा तगडा पोलीस बंदोबस्त असेल, असे आयुक्तांनी स्पष्ट केले. शहर पोलिसांच्या मदतीला रॅपिड अॅक्शन फोर्स आणि राज्य राखीव दलाची प्रत्येकी एक कंपनी आणि ३५० होमगार्ड तैनात असतील.

Ganesh Mahotsav 2025 Celebration | गणेशोत्सव 2025 मराठी बातम्याFOLLOW

Ganesh mahotsav, Latest Marathi News

मुंबई :ऑनलाइन दर्शनामुळे गणपती मंडपात भाविकांची संख्या कमी

गर्दी न करण्याच्या आवाहनाला चांगला प्रतिसाद ...

वसई विरार :‘एक गाव एक गणपती’ची ४८ वर्षांची परंपरा कायम; उर्सेगावचा जनतेसमोर आदर्श

शासनाच्या कोरोनाबाबतच्या सर्व नियमांचे काटेकोर पालन ...

वसई विरार :गणेश विसर्जन गर्दीप्रकरणी वसईत दोनशेहून जास्त गुन्हे; मनाई आदेश भंग

ग्रामस्थांची जंगी मिरवणूक ...

ठाणे :कोरोनामुळे गणेशोत्सव साधेपणाने; विसर्जनाच्या दिवशी यंदा ध्वनिप्रदूषणात ३० डेसिबलची घट

मिरवणुकांवरील बंधनामुळे टळला वाद्यांचा वापर ...

रायगड :चाकरमान्यांचा परतीचा प्रवास सुखकर; खासगी वाहतुकीची लुटमार थांबणार

लालपरी सर्वसामान्यांच्या सेवेत: श्रीवर्धन आगार सज्ज ...

रायगड :चाकरमान्यांच्या सुखकर प्रवासाठी बंदोबस्त; २१७ पोलीस अधिकारी, कर्मचारी सज्ज

समस्या सोडविण्यासाठी मुंबई-गोवा महामार्गावर तैनात ...

पुणे :प्रसिद्ध गायक शंकर महादेवन यांच्यासह करा सहकुटुंब अथर्वशीर्षपठण

छत्रपती संभाजीनगर :श्री विसर्जनासाठी भाविकांना तलावावर जाता येणार नाही

तलावात विसर्जन करण्याचा प्रयत्न करणाऱ्या नागरिकांवर गुन्हा दाखल करण्याचा पोलिसांचा इशारा ...