१०० कोटींचे दागिने, शंभर वर्षांचा इतिहास; कडक बंदोबस्तात सजतात 'राधा-कृष्ण'

देशभरात श्रीकृष्ण जन्माष्टमीचा उत्साह पाहायला मिळत असून पुणे, मुंबई, ठाण्यासह महाराष्ट्रभर दहीहंडी उत्सवही जोरात सुरू आहे.

श्रीकृष्ण जन्माष्टमीच्या पवित्र दिवशी मध्य प्रदेशच्या ग्वालियर येथील फूलबागेत राजकालीन ऐतिहासिक गोपाळ मंदिर आहे. या मंदिरातील श्रीकृष्ण आणि राधेच्या मूर्तीला आज कोट्यवधींच्या दागिन्यांचा शृंगार केला जातो.

मोठ्या बंदोबस्तात जिल्हा प्रशासनाच्या तिजोरीतून हे दागिने मंदिरात आणण्यात आले. त्यानंतर, प्रशासकीय व पोलीस अधिकाऱ्यांच्या समक्ष मूर्तींना दागिन्यांनी सजवण्यात आले.

आजच्यादिवशी हे मंदिर सर्वच नागरिकांसाठी व भाविकांसाठी खुले करण्यात आले. मंदिर परिसरात कडक बंदोबस्त तैनात असून सीसीटीव्हीही बसवण्यात आले आहे.

येथील फूल बागेत यंदाही दरवर्षीप्रमाणे गोकुळ जन्माष्टमीचा उत्सव मोठ्या उत्साहात साजरा होत आहे. मंदिरातील श्रीकृष्ण आणि राधा यांच्या मूर्तीला दागिन्यांनी सजवण्यात आले असून हे दागिने सोने आणि हिरे व माणिक-मोत्यांनी बनवल्याले आहेत.

सेंट्रल बँक ऑफ इंडियाच्या लॉकरमधून हे दागिने सुरक्षा व्यवस्थेसह मंदिरात आणण्यात आले. राजे महाराजांच्या काळातील हे अँटीक दागिने आहेत.

ग्वालियरच्या सिंधिया राजघराण्यापासून हे दागिने आहेत. तर, १०० वर्षांहून जास्त वर्षांचे हे राधा-कृष्ण मंदिर आहे. येथील दागिन्यांची किंमत सव्वाशे कोटी असल्याचं सांगण्यात येतं. जवळपास १०२ वर्षांपूर्वी सिंधिया राजघराण्यातील माधवराव सिंधीया या राजांनी या मंदिराची स्थापन केली होती. तेव्हाच हे दागिनेही रत्न, माणिक व मोत्यांनी बनवलेले आहेत.

जवळपास १०२ वर्षांपूर्वी सिंधिया राजघराण्यातील माधवराव सिंधीया या राजांनी या मंदिराची स्थापन केली होती. तेव्हाच हे दागिनेही रत्न, माणिक व मोत्यांनी बनवलेले आहेत.

मंदिरातील मूर्तींना या दागिन्यांनी सजवल्यानंतर राधा-कृष्णाचं हे मनमोहक रुप पाहायला अनेक भाविक गर्दी करतात. श्रीकृष्णाच्या हाती सोन्याची बासरी आहे.

५५ पानांच्या ७ मांळेचा हार, माणिक, मोत्यांनी सजलेली सोन्याची बासरी, सोन्याची नथ, जंजीर व चांदीचे पूजा थाळी आहेत. दरवर्षी गोकुळ जन्माष्टमीला मंदिरातील मूर्तींना दागिन्यांनी सजवले जाते.