सुरेश रैना, अर्शदीप ते तिलक वर्मा... दिग्गज क्रिकेटपटूंचा 'बिग बॉस १९'च्या 'या' स्पर्धकाला पाठिंबा

'बिग बॉस १९' जिंकण्यासाठी लोकप्रिय स्पर्धकाला दिग्गज क्रिकेटपटूंकडून पाठिंबा!

Team India Players Support Malti Chahar : लोकप्रिय रिअ‍ॅलिटी शो 'बिग बॉस १९' आता त्याच्या अंतिम टप्प्यावर आला आहे. येत्या ७ डिसेंबर रोजी शोचा ग्रँड फिनाले होणार आहे. सध्या 'बिग बॉस'च्या घरात केवळ ८ स्पर्धक शिल्लक आहेत. ज्यात गौरव खन्ना, अमाल मलिक, फरहाना भट, तान्या मित्तल, अशनूर कौर, मालती चाहर, शहबाज बदेशा आणि प्रणीत मोरे यांचा समावेश आहे. आता या आठपैकी कोण 'बिग बॉस १९' च्या ट्रॉफीपर्यंत पोहोचणार, याकडे सर्वांचं लक्ष लागलेलं आहे. आपल्या लाडक्या स्पर्धकासाठी चाहते जिओ हॉटस्टारवर वोटिंग करत आहेत. अशातच आता 'बिग बॉस'चा पुर्ण खेळ अधिक रंगतदार झाल्याचं दिसतंय. कारण, 'बिग बॉस'च्या एका स्पर्धकासाठी लोकप्रिय क्रिकेटपटू एकवटले आहेत.

'बिग बॉस १९'च्या घरात वाईल्ड कार्ड एन्ट्री घेतलेल्या मालती चहरच्या समर्थनार्थ भारतीय क्रिकेट संघातील अनेक दिग्गज खेळाडू मैदानात उतरले आहेत. युजवेंद्र चहल, सुरेश रैना, अर्शदीप सिंग, खलील अहमद, तिलक वर्मा, शिवम दुबे यांच्यासह इतर प्रमुख खेळाडूंनी मालतीला पाठिंबा दिला आहे. या क्रिकेटपटूंनी त्यांच्या अधिकृत इंस्टाग्राम स्टोरीजवर पोस्ट शेअर करत मालतीला मतदान करण्याचं चाहत्यांना आवाहन केले आहे. 

Team India Players Come Forward to Support Malti Chahar

As of now, from the Indian Cricket Team - Suresh Raina, Ambati Rayudu, Tilak Verma, Arshdeep Singh, Shivam Dube, Yuzvendra Chahal, Avesh Khan, Naman Dhir, Venkatesh Iyer, Umran Malik, Deepak Hooda, Khaleel Ahmed, Ravi… pic.twitter.com/knnXQBl1YI

— BBTak (@BiggBoss_Tak) November 25, 2025

क्रिकेट जगतातील इतक्या मोठ्या खेळाडूंनी एकत्र येऊन मालतीला पाठिंबा दिल्यानं आता वोटिंग ट्रेण्डमध्ये मोठं उलटफेर झाल्याचं दिसू शकतं. विशेष म्हणजे मालतीसाठी याआधी लोकप्रिय युट्यूबर आणि 'बिग बॉस ओटीटी' विजेता एल्विश यादवनं वोट अपील केलं होतं. क्रिकेटपटूंची एवढी मोठी ताकद मालतीच्या पाठीशी उभी असताना, ती आता अंतिम फेरीत किती पुढे जाते आणि बिग बॉसची ट्रॉफी उचलू शकते का, हे पाहणे तिच्या चाहत्यांसाठी खूपच उत्सुकतेचे ठरणार आहे.