मैत्रीण असावी तर अशी! जान्हवी किल्लेकरने सूरज चव्हाणला लग्नात दिलं खास सोन्याचं गिफ्ट, चाहत्यांकडून होतंय कौतुक

सूरजच्या लग्नाला चाहत्यांनी मोठी गर्दी केली होती. बिग बॉस ५मधील डीपी दादा(धनंजय पोवार), जान्हवी किल्लेकर यांनीही हजेरी लावली होती. सूरजच्या लग्नात जान्हवी मानाची कलवरी झाली होती. तर तिने सूरजला लग्नाचं खास गिफ्टही दिलं. 

Suraj Chavan Wedding: बिग बॉस मराठी फेम आणि रीलस्टार सूरज चव्हाणचा लग्नसोहळा मोठ्या थाटामाटात पार पडला. शनिवारी(२९ नोव्हेंबर) सूरजने संजणाशी लग्न करत त्यांच्या नव्या आयुष्याला सुरुवात केली. सूरजच्या लग्नाला चाहत्यांनी मोठी गर्दी केली होती. बिग बॉस ५मधील डीपी दादा(धनंजय पोवार), जान्हवी किल्लेकर यांनीही हजेरी लावली होती. सूरजच्या लग्नात जान्हवी मानाची कलवरी झाली होती. तर तिने सूरजला लग्नाचं खास गिफ्टही दिलं. 

सूरजच्या लग्नासाठी जान्हवीने खास लूक केला होता. साखरपुड्याला तिने पैठणी नेसली होती. तर हळदीला पिवळ्या रंगाची साडी नेसली होती. तर सूरजच्या लग्नासाठी तिने निळ्या रंगाचा खास डिझायनर लेहेंगा परिधान केला होता. त्यावर डायमंड नेकलेस घालत ग्लॅमरस लूकही केला होता. जान्हवीने सूरजला लग्नात खास गिफ्टही दिलं आहे. याचा व्हिडीओ तिने तिच्या सोशल मीडियावर शेअर केला आहे. जान्हवीने सूरजला लग्नात सोन्याची भेटवस्तू दिली आहे. 

जान्हवीने सूरजला त्याच्या आयुष्यातील या खास क्षणी सोन्याची अंगठी भेटवस्तू म्हणून दिली आहे. तिने शेअर केलेल्या व्हिडीओमध्ये जान्हवी लग्न झाल्यानंतर सूरज आणि त्याची पत्नी संजनाची नजर काढताना दिसत आहे. त्यानंतर ती सूरजच्या हातातली तिने गिफ्ट केलेली अंगठी दाखवते आणि सूरजला गिफ्ट कसं वाटलं? असंही विचारते. जान्हवीच्या मनाचा मोठेपणा पाहून चाहतेही थक्क झाले आहेत. या व्हिडीओवर कमेंट करत चाहत्यांनी जान्हवीचं कौतुक केलं आहे.