"मला 'वीकेंड का वार' होस्ट करायचा नव्हता..." धर्मेंद्र यांच्या आठवणीत BB19 च्या मंचावर सलमान खान भावुक

'बिग बॉस'च्या 'विकेंड का वॉर'मध्ये धर्मेंद्र यांची आठवण काढत सलमान खान भावुक झाला.

बॉलिवूडचे 'ही-मॅन' धर्मेंद्र आता आपल्यात नाहीत. सोमवार, २४ नोव्हेंबर रोजी त्यांचं निधन झालं. वयाच्या ८९ व्या वर्षी धर्मेंद्र यांनी त्यांच्या जुहू येथील घरी अखेरचा श्वास घेतला. त्यांची प्रकृती बऱ्याच दिवसांपासून खालावलेली होती. धर्मेंद्र यांच्या जाण्याने एका युगाच अंत झाल्याची भावना व्यक्त केली जात आहे. अभिनेता सलमान खानलाही धर्मेंद्र यांच्या निधनाचा खूप मोठा धक्का बसला आहे. धर्मेंद्र आणि सलमान खान यांचे एक खास नाते होते. धर्मेंद्र यांनी अनेक प्रसंगी सलमान खानला त्यांचा तिसरा मुलगा म्हणून संबोधले आहे. काल 'बिग बॉस'च्या 'विकेंड का वॉर'मध्ये धर्मेंद्र यांची आठवण काढत सलमान खान भावुक झाला.

'बिग बॉस'च्या 'वीकेंड का वार'मध्ये स्पर्धक अशनूर कौरला बाहेर काढल्याची घोषणा करत असताना, सलमान अचानक क्षणभर थांबला आणि त्याने धर्मेंद्र यांच्याबद्दल बोलण्यास सुरुवात केली. तो म्हणाला, "कधीकधी मला हे सर्व फराह आणि रोहित शेट्टीवर सोडावेसे वाटते, पण माझ्यावर जबाबदाऱ्या आहेत. हा आठवडा प्रार्थना आणि अश्रूंमध्ये गेला आहे". पुढे आपला शोक व्यक्त करत सलमान म्हणाला, "हा एक मोठा धक्का आहे, इंडस्ट्रीचं खूप मोठे नुकसान झालंय... तुम्हाला तर माहीतच आहे मी कशाबद्दल बोलत आहे. त्यांच्या आत्म्याला शांती मिळो. मला या आठवड्याचा 'वीकेंड का वार' करायचा नव्हता, पण आयुष्य असंच आहे, ते चालू राहतं".

#SalmanKhan On #Dharmendra Ji 😭 pic.twitter.com/QlmzboVGkp

— Filmy_Duniya (@FMovie82325) November 29, 2025

धर्मेंद्र आणि सलमान खान यांचे एक खास नाते

धर्मेंद्र आणि सलमान खान यांचे एक खास नाते होते. धर्मेंद्र यांनी अनेक प्रसंगी सलमान खानला त्यांचा तिसरा मुलगा म्हणून संबोधले आहे. सलमान खानने यापूर्वी 'दस का दम' हा शो होस्ट केला होता. तेव्हा धर्मेंद्र सनी आणि बॉबी देओलसोबत सेटवर आले होते. यावेळी त्यांनी सलमान खानसोबतच्या त्याच्या खास नात्याबद्दल सांगतं आणि त्याला त्यांचा मुलगा म्हणून संबोधले होते. सलमानने अनेक प्रसंगी धर्मेंद्र यांच्यावरील विशेष प्रेम व्यक्त केलं आहे.

धर्मेंद्र यांच्या निधनाचे वैयक्तिक दुःख मनात असतानाही सलमान खान त्याच्या व्यावसायिक जबाबदाऱ्या पार पाडत आहे. तो पुढील आठवड्यात 'बिग बॉस सीझन १९'चा ग्रँड फिनाले होस्ट करेल. त्यानंतर तो लगेचच त्याच्या आगामी चित्रपटांचे शूटिंग सुरू करणार आहे. सध्या तो 'बॅटल ऑफ गलवान' वर काम करत आहेत. या चित्रपटात त्यानं मेजर संतोष बाबूची भूमिका साकारली आहे.  चित्रपट २०२० मध्ये भारत आणि चीनच्या सैन्यात झालेल्या गलवान खोऱ्यातील संघर्षावर आधारित आहे. हा चित्रपट २०२६ मध्ये प्रदर्शित होण्याची शक्यता आहे.