डोईवर मुंडावळ्या, पाहुणे मंडळी जमली घरा! अभिनेत्री पूजा बिरारीची लगीनघाई; विधींना झाली सुरुवात

नवरी नटली! अभिनेत्री पूजा बिरारीची लगीनघाई; विधींना झाली सुरुवात

Pooja Birari Wedding: मराठी मालिकाविश्वातील लोकप्रिय अभिनेत्री म्हणजे पूजा बिरारी. स्टार प्रवाह वाहिनीवरील 'येड लागलं प्रेमाचं' या मालिकेत ती मंजिरीची भूमिका साकारत आहे. गेल्या काही दिवसांपासून या मालिकेत राया-मंजिरीच्या लग्नाचा ट्रॅक सुरु आहे. परंतु, तुम्हाला माहितीये का? मालिकेत मंजिरीची भूमिका साकारणारी ही अभिनेत्री सुद्धा लवकरच विवाहबंधनात अडकणार आहे. अलिकडेच 'येड लागलं प्रेमाचं' मालिकेच्या सेटवर दणक्यात पूजाचं केळवण पार पडलं.याचदरम्यान, पूजाने हटके उखाणा घेत तिच्या होणाऱ्या अहोंचं नावंही सांगितलं.आता पूजाच्या घरी लग्नाची लगबग पाहायला मिळते आहे. 

एवढे दिवस पूजाने तिचा होणारा नवरा कोण आहे याबाबत कुठेच वाच्यता केली नव्हती किंवा जाहीरपणे प्रेमाची कबुलीही दिली नव्हती. अखेर तिने केळवणाच्या दरम्यान, तिच्या नात्याची कबुली दिली.  नुकताच मालिकेच्या सेटवर तिच्या केळवणाचा कार्यक्रम पार पडला. यावेळी तिने सोहम बांदेकरच्या नावाचा हटके उखाणा घेतला.  हा उखाणा घेताना म्हटले की, " घरात चालले मी ज्यांच्या ते आहेत महाराष्ट्राचे होम मिनिस्टर, माझे आहो म्हणजेच सोहम आता होणार माझे मिस्टर!" पूजाचा उखाणा ऐकून सेटवरील सर्वांनी टाळ्या वाजवल्या.  यावरून तिच्या चाहत्यांनी अचूक अंदाज बांधला. अभिनेत्री पूजा बिरारी आदेश बांदेकर यांचा मुलगा सोहम बांदेकरसोबत पूजा विवाहबद्ध होणार आहे. आजपासून त्यांच्या लग्नाअगोदरच्या विधींना सुरुवात झाली आहे.

नुकतेच पूजा बिरारीने तिच्या सोशल मीडियावर अकाउंटवर काही खास फोटो शेअर केले आहेत. या फोटोंमध्ये अभिनेत्री डोक्याला मुंडावळ्या बांधून सुंदर पारंपरिक अंदाजात तयार झाली आहे. लग्नानिमित्त पूजा बिरारीचं घर पाहुणे मंडळींनी भरलं आहे. यावरून ची लवकरच विवाहबंधनात अडकणार असल्याचं स्पष्ट झालं आहे. चाहते अभिनेत्रीच्या लग्नासाठी प्रचंड उत्सुक आहेत. 

वर्कफ्रंट 

पूजा बिरारीने आजवर अनेक लोकप्रिय मालिकांमध्ये काम केलेलं आहे.सध्या स्टार प्रवाहवरील 'येड लागलं प्रेमाचं'  या मालिकेत काम करताना दिसते आहे. याशिवाय स्वाभिमान या मालिकेतही तिने प्रमुख भूमिका साकारली होती.