"माझ्या मेहनतीचा प्रवास...", 'लक्ष्मी निवास' फेम अभिनेत्याने घेतली नवीन गाडी, चाहत्यांसह कलाकारांनी केलं अभिनंदन 

सेलिब्रिटी जोडप्याने खरेदी केली नवीन गाडी, दोघेही एकाच चॅनेलवर करतात काम,आनंद व्यक्त करत म्हणाले...

Television Actor: आपल्या हक्काचं घर आणि फिरायला गाडी असावी,  असं प्रत्येकाचं स्वप्न असतं. मराठी मालिकाविश्वात काम करणाऱ्या अशाच एका लोकप्रिय अभिनेत्याचं हे स्वप्न पूर्णत्वास आलं आहे. या नायकाने नवीन गाडी खरेदी करत चाहत्यांसोबत ही आनंदाची बातमी शेअर केली आहे. कोण आहे हा अभिनेता जाणून घेऊया...

'लक्ष्मी निवास' ही लोकप्रिय मालिकांपैकी एक आहे. या मालिकेत अनेक कलाकार पाहायला मिळतात. तुषार दळवी आणि हर्षदा खानविलकर प्रमुख भूमिकेत दिसत आहेत. या मालिकेतून घराघरात पोहोचलेला अभिनेता म्हणजे अनुज ठाकरे.  दरम्यान, अनुज ठाकरे या मालिकेत हरिशच्या भूमिकेत दिसत आहे. लक्ष्मी व श्रीनिवास यांचा तो मुलगा आहे. आपल्या वैयक्तिक आयुष्यात अनुज ठाकरेने मोठी भरारी घेत आता स्वत:ची गाडी घेतली आहे.

अभिनेता अनुज ठाकरेने टाटा पंच ही नवीन गाडी खरेदी केली आहे. अभिनेत्याने आपल्या पत्नीच्या साथीने या नव्या गाडीची पूजा देखील केली.अभिनेत्याने आपल्या पत्नीच्या साथीने या नव्या गाडीची पूजा देखील केली. अनुजने ‘स्वप्न पाहिलं होतं…आज ते स्वतः चालवत आहे. ही फक्त गाडी नाही, हा प्रवास आहे माझ्या मेहनतीचा..’ म्हणत नव्या कारची पहिली झलक सर्वांबरोबर शेअर केली आहे.दरम्यान, काजल काटे, विजया बाबर अशा अनेक कलाकारांनी कमेंट्स करत अनुजनने शेअर केलेल्या या व्हिडीओवर कौतुकाचा वर्षाव केला आहे.

दरम्यान, अभिनेता अनुज ठाकरेची पत्नी अश्विनी गोरले देखील लोकप्रिय अभिनेत्री आहे. सध्या ती तारिणी मालिकेत काम करताना दिसते आहे.