बांगलादेशातील हिंदूंच्या हत्येवरून 'गोपी बहू' फेम देवोलीना आक्रमक! ध्रुव राठीला सुनावलं; म्हणाली...
By ऑनलाइन लोकमत | Updated: December 22, 2025 11:52 IST2025-12-22T11:27:04+5:302025-12-22T11:52:48+5:30
"धुरंधरबद्दल बोलणं सोड, बांगलादेशी हिंदूंसाठी कधी बोलणार?" 'गोपी बहू' फेम देवोलीनाने ध्रुव राठीला झापलं
बांगलादेशातील हिंदूंच्या हत्येवरून 'गोपी बहू' फेम देवोलीना आक्रमक! ध्रुव राठीला सुनावलं; म्हणाली...
Devoleena Bhattacharjee Slams Dhruv Rathee : बांगलादेशामध्ये सुरू असलेल्या हिंसा, जाळपोळ आणि अराजकतेदरम्यान हिंदू युवक दीपू चंद्र दास (Dipu Das) याच्या निर्घृण हत्येने संपूर्ण जगाचं लक्ष वेधलं आहे. ईशनिंदेच्या आरोपाखाली (Blasphemy Violence) जमावाने दीपू दास याला मारहाण करून ठार केलं आणि नंतर मृतदेह जाळल्याची घटना घडली. ही घटना माणुसकीला काळीमा फासणारी आहे. या घटनेनंतर बांगलादेशातील अल्पसंख्याक समूदायात संतापाची लाट उसळली असून, भारतातूनही तीव्र प्रतिक्रिया उमटत आहेत. याच मुद्द्यावरून आता मनोरंजन विश्वातील कलाकारही आक्रमक झाले आहेत. या प्रकरणी टीव्हीची 'गोपी बहू' म्हणजेच अभिनेत्री देवोलीना भट्टाचार्य हिने प्रसिद्ध यूट्यूबर ध्रुव राठी याच्यावर जोरदार टीका केली आहे.
देवोलीना भट्टाचार्य हिने ध्रुव राठीच्या एका ट्विटला उत्तर देताना त्याच्यावर निशाणा साधला. ध्रुव राठी सध्या 'धुरंधर' चित्रपटावर सतत टीका करत आहे. यावरून देवोलीना म्हणाली, "म्हणूनच मी तुझे घाणेरडे व्हिडीओ आणि ट्विट टाळण्याचा प्रयत्न करते. तू 'धुरंधर'बद्दल विचार करणं कधी थांबवशील आणि बांगलादेशातील हिंदूंसाठी कधी बोलशील? तू मोठमोठी षड्यंत्र रचणे कधी थांबवणार?", असं तिनं म्हटलं.
I so try to avoid & ignore your shitty vidoes & tweets. Dunno why x grt it on my feedback. Anyways. Dhurandar k baarein mein sochna bandh kar aur Bangladesh k hindu k liye kab bolega?? https://t.co/tMqQkfoc19
— Devoleena Bhattacharjee (@Devoleena_23) December 21, 2025
केवळ देवोलीनाच नाही, तर प्रसिद्ध स्टँड-अप कॉमेडियन आणि 'लॉक अप' व 'बिग बॉस १७' चा विजेता मुनव्वर फारूकीनेही या क्रूरतेचा निषेध केला आहे. त्याने ट्विट केलं की, "बांगलादेशातील लिंचिंगचे व्हिडीओ पाहून मला खूप वाईट वाटत आहे. हे लोक क्रूर आहेत आणि जग शांतपणे पाहत आहे. आपण बोलले पाहिजे आणि गुन्हेगारांना शिक्षा झालीच पाहिजे".
देवोलीनाने घेतलेल्या या भूमिकेनंतर सोशल मीडियावर दोन गट पडले आहेत. अनेक चाहत्यांनी देवोलीनाचे समर्थन करत तिला 'सत्यासाठी उभी राहणारी धाडसी महिला' म्हटले आहे. मात्र, दुसऱ्या बाजूला अनेक नेटकऱ्यांनी ध्रुव राठीची बाजू घेत देवोलीनावरच प्रश्नांचा भडिमार केला आहे.