मराठी तारकांची बॉलीवुडमध्ये बाजी...

परीक्षा कोणतीही असो पण प्रत्येकवेळी मुलींनी बाजी मारल्याचे वाक्य सतत कानावर पडत असते. असेच काहीसे चित्र सध्या मराठी इंडस्ट्रीत पाहायला मिळत आहे. तेजश्री प्रधान, हेमांगी कवी, अमृता सुभाष, उषा जाधव अशा एका पाठोपाठ एक मराठी तारका बॉलीवुडमध्ये झळकणार असल्याचे चित्र यंदाच्या वर्षी पाहायला मिळणार आहे. मराठी अभिनेत्यांच्या तुलनेत मराठी तारकांनी बॉलीवुडमध्ये बाजी मारल्याचे दिसत आहे. एकीकडे बॉलीवुड कलाकारांची मराठी इंडस्ट्रीकडे रांग लागली असताना, दुसरीकडे मराठी अभिनेत्री बॉलीवुडमध्ये दमदार पाऊल टाकताना दिसत आहे. ते ही राम गोपाल वर्मा, सतीश कौशिक, अनुराग कश्यप, अजय वर्मा यांसारख्या बॉलीवुडच्या तगडया दिग्दर्शकांसोबत काम करताना पाहायला मिळणार आहे. यंदा मराठी तारकांचे हे यश म्हणजे मराठी इंडस्ट्रीला मिळालेली यशाची पावती आहे असे म्हणण्यास हरकत नाही. अमृता सुभाष: बॉलीवुडचा तगडा दिग्दर्शक अनुराग कश्मप दिग्दर्शित रामण राघव (फफ 2.0) या बॉलीवुड चित्रपटात अभिनेत्री अमृता सुभाष झळकणार आहे. यामध्ये ती अभिनेता नवाज्जुद्दीन सिद्दीकीसोबत ती पाहायला मिळणार आहे. विशेष म्हणजे या चित्रपटाचा प्रिमिअर कान्स २०१६ फिल्म फेस्टिव्हलमध्ये होणर आहे. नितेश छाब्रा हे खूप मोठे कास्टिंग डायरेक्टर आहे. त्यामुळे साहजिकच त्यांची इंडस्ट्रीट ओळख होती. त्यांच्याकडे एका जाहिरातीच्या टेस्टसाठी गेले होते. ती टेस्ट देखील चांगली झाली होती. आणि नेमकी त्याचवेळी योगायोगाने अनुराग कश्यप यांनी नितेशला एका चित्रपटासाठी हिरोईन पाहिजे असल्याचे सांगितले. त्यावेळी नितेशने माझी ती टेस्ट त्यांना दाखविली. आणि माझी या बॉलीवुड चित्रपटासाठी निवड झाली असल्याचे अमृता सुभाषने लोकमत सीएनएक्सला सांगितले. अमृता म्हणाली, अनुराग व नवाद्दीनसोबत काम करताना खूप छान अनुभव मिळाला. हा चित्रपट माझ्यासाठी एक पर्वणीच ठरला आहे. कारण अननोन मराठी प्रेक्षकांपर्यत माझे काम पोहचणार असून बॉलीवुड इंडस्ट्रीतील देखील दिग्गज लोक माझे काम पाहतील याचा मला जास्त आनंद होत असल्याचे देखील यावेळी अमृताने सांगितले. हेमांगी कवी : ती फुलराणी या नाटकमधून सध्या प्रेक्षकांच्या मनावर आधिराज्य गाजविणारी हेमांगी कवीदेखील स्कूल चलेंगा या बॉलीवुड चित्रपटात झळकणार आहे. बॉलीवुडला तेरे नाम, क्यो की असे सुपर हीट चित्रपट देणारे दिग्गज दिग्दर्शक सतीश कौशिक यांचा हा चित्रपट आहे. याविषयी लोकमत सीएनएक्सशी बोलताना हेमांगी म्हणाली, स्कूल चलेंगा या हिंदी चित्रपटात काम करताना भाषा वगळता वेगळं अस काही जाणवलं नाही. बॉलीवुड चित्रपट इकोनॉमी स्ट्रॉग असल्यामुळे ते जास्त फोकस वाटतात. या इंडस्ट्रीमध्ये पेपरवर्क खूप आधी करून घेत असल्यामुळे त्यावर काही अडचण येत नाही. आपल्याकडे फायनाशीयल प्रॉब्लेम असल्यामुळे आयत्यावेळी निर्णय घेतला जातो. पण क्रिएटीव्हिटी च्या दृष्टीने मराठी इंडस्ट्री खूप पुढे असल्याचे जाणविले. तसेच सतीश कौशिक खूप पॉझिटिव्ह व्यक्तीमत्व आहे, ते देखील थिएटरमधील आहे. त्याच्यासोबत बोलताना एक प्रकारची आपुलकी निर्माण झाली. त्यांना मराठी कलाकारांविषयी प्रचंड आदर आहे. मी जेव्हा त्यांना सांगितले ती फुलराणी हे नाटक करते त्यावेळी त्यांचा चेहरा बघण्यासारखा होता. ते म्हणाले, व्वा क्या बात है. तीस वर्षे झाले तरी हे नाटक चालू आहे. याचा त्यांना फार आनंद झाला. उषा जाधव: मराठी चित्रपटसृष्ट्रीत राष्ट्रीय पुरस्कार पटकविणारी अभिनेत्री उषा जाधव ही यापूर्वी देखील मधूर भांडारकर यांच्या टॅÑपिक सिग्नल या वास्तव सुपरहिट चित्रपटात झळकली होती. यासोबतच ती अनेक बॉलीवुड चित्रपटात देखील पाहायला मिळाली. मराठी इंडस्ट्रीची ही सुंदर अभिनेत्री आता, राम गोपाल वर्मा दिग्दर्शित वीरपन्न या चित्रपटात झळकणार आहे. हा चित्रपट वीरपन्नच्या जीवनपटावर आधारित आहे. या चित्रपटात उषा वीरपन्नच्या पत्नीच्या भूमिकेत पाहायला मिळणार आहे. याविषयी लोकमत सीएनएक्सशी बोलताना उषा जाधव म्हणाली, रामगोपाल वर्मा यांच्यासोबत काम करतानाचा अनुभव खूप छान होता. खूप काही नवीन गोष्टी शिकण्यास मिळाले. बॉलीवुडच्या तुलनेत मराठी चित्रपट हा राज्यापुरताच मर्यादित असल्यामुळे लिमीटेड प्रेक्षक असतात. त्यातुलनेत बॉलीवुडच चित्रपटाच्या माध्यमातून जगभारात सर्व स्तराच्या प्रेक्षकांपर्यत पोहोचण्याची संधी मिळते. तेजश्री प्रधान: होणार सून मी या घरची या मालिकेतून महाराष्ट्राची लाडकी सून जान्हवी म्हणजेच तेजश्री प्रधान ही महाराष्ट्राच्या प्रत्येक घराघरात पोहचलेली आहे. नुकतीच तिची मालिका संपल्यानंतर तिचे चाहते तिला पुन्हा पाहण्यासाठी उत्सुक आहेत. पण तिच्या चाहत्यांना एक खूशखबर आहे की, जान्हवी म्हणजेच सर्वाची लाडकी तेजश्री ही हिंदी नाटकसह बॉलीवुडमध्ये देखील पदापर्ण करीत आहे. बॉलिवूडचा तगडा अभिनेता शर्मन जोशीसोबत मै और तुम या नव्या हिंदी नाटकमध्ये ती झळकणार आहे. त्याचबरोबर ती सायोनारा-फिर मिलेंगे या नव्या हिंदी चित्रपटाने देखील बॉलीवुडमध्ये पदापर्ण करीत आहे. या चित्रपटात तेजश्रीसोबत अतुल कुलकर्णी, शर्मन जोशी, आदी कलाकार प्रमुख भूमिकेत पाहायला मिळणार आहेत.अजय वर्मा दिग्दर्शित हा चित्रपट आहे. तिच्या या दमदार रिएन्ट्रीने तिच्या चाहत्यांचा आनंद व्दिगुणीत झाला असणार हे नक्की.

अभिनेत्री शाहरुख, सलमानसह अनेक अभिनेत्यांसोबत काम केलं आहे. ...

रणबीर कपूरच्या 'रामायण'मध्ये आदिनाथ कोठारेची एन्ट्री, संपूर्ण स्टारकास्ट समोर ...

लोकप्रिय मालिकेत अभिनेत्री सध्या मुख्य भूमिका साकारत आहे. तिच्या सौंदर्याने चाहत्यांना घायाळ केलं आहे. ...

पडद्यावर खलनायिकी भूमिका गाजवणाऱ्या दिपक शिर्केंना 'बाप्पा' हे नाव कसं पडलं? वाचा इंटरेस्टिंग किस्सा ...

कोण आहे विजय मल्ल्याचा मुलगा सिद्धार्थ मल्ल्या? दीपिकासोबत किस करतानाचा फोटो झालेला व्हायरल ...

...

Who is Nikhil Sosale: निखिल सोसाले RCBच्या प्रत्येक सामन्यात अनुष्का शर्मासोबत दिसायचा. ...

श्रेयस अय्यरची बहिण श्रेष्ठानं सोशल मीडियावरुन शेअर केली खास पोस्ट, म्हणाली... ...

...

...

...

मराठी तारकांची बॉलीवुडमध्ये बाजी...