मराठीतील 'लेडी बॉस' उषा नाडकर्णी यांच्या लेकाला कधी पाहिलंय का? राहतो अत्यंत साधा

Abhijeet nadkarni: उषा नाडकर्णी यांना एक मुलगा असून तो कलाविश्वात फारसा सक्रीय नाही.

मराठीसह हिंदी मालिकांमध्ये आपला दबदबा निर्माण करणारी लोकप्रिय अभिनेत्री म्हणजे उषा नाडकर्णी.

खाष्ट परंतु, तितकीच खट्याळ अशा सासूची भूमिका साकारुन उषा नाडकर्णी यांनी प्रेक्षकांच्या मनात एक वेगळंच स्थान निर्माण केलं.

अनेक गाजलेल्या मराठी चित्रपटांमध्ये झळकलेल्या उषाताईंनी 'पवित्र रिश्ता' सारख्या गाजलेल्या हिंदी मालिकांमध्येही काम केलं आहे.

अलिकडेच उषाताईंना बिग बॉस मराठी या रिअॅलिटी शोमध्ये पाहायला मिळालं होतं. त्यानंतर त्या किचन कल्लाकार या शोमध्येही सहभागी झाल्या होत्या.

किचन कल्लाकार या कार्यक्रमात अलिकडेच उषाताई सहभागी झाल्या होत्या.यावेळी त्यांच्यासोबत त्यांचा लेक आला होता. तेव्हापासून त्यांच्या मुलाची सोशल मीडियावर चर्चा रंगली आहे.

उषा नाडकर्णी यांना एक मुलगा असून तो कलाविश्वात फारसा सक्रीय नाही.

उषा नाडकर्णी यांच्या लेकामुळेच आज संपूर्ण कलाविश्वात त्यांना आऊ म्हणून हाक मारली जाते. लहानपणापासून त्यांचा मुलगा त्यांना आऊ असंच म्हणतो. याच नावाने पुढे कलाकारही त्यांना बोलवू लागले.

उषाताईंच्या लेकाचं नाव अभिजीत नाडकर्णी असं आहे. अभिजीत अत्यंत साधा असल्याचं पाहायला मिळतं.

सोशल मीडियावरही अभिजीतचा फारसा वावर नाही. त्यामुळे त्याचे फार मोजके छायाचित्रच पाहायला मिळतात.