मृणाल कुलकर्णी यांना व्हायचं नव्हतं अभिनेत्री; पूर्वी 'या' क्षेत्रात करत होत्या काम

Mrinal kulkarni: अभिनय क्षेत्रात येणापूर्वी मृणाल कुलकर्णी करायच्या 'या' क्षेत्रात काम

मराठी कलाविश्वातील चिरतरुण अभिनेत्री म्हणजे मृणाल कुलकर्णी.

अभिनेत्री, दिग्दर्शिका, लेखिका अशा विविध भूमिका पार पाडत असलेल्या मृणाल कुलकर्णी यांच्या सौंदर्याची आजही कलाविश्वात चर्चा रंगते.

नाटक, मालिका, सिनेमा अशा विविध माध्यमातून प्रेक्षकांच्या भेटीला येणाऱ्या मृणाल कुलकर्णी यांनी कलाविश्वात त्यांचं हक्काचं स्थान निर्माण केलं आहे.

आजवरच्या कारकिर्दीत त्यांनी अनेक गाजलेल्या भूमिका केल्या. मात्र, सिनेसृष्टीत येण्यापूर्वी त्या एका वेगळ्या क्षेत्रात कार्यरत होत्या. हे फार कमी जणांना माहित आहे.

मृणाल कुलकर्णी यांनी कुटुंबाकडूनच कलेचा वारसा मिळाला. प्रसिद्ध साहित्यिक गो.नी. दांडेकर यांची नात असलेल्या मृणाल यांचे वडील पुण्यातील एस.पी महाविद्यालयाचे प्राचार्य होते. तर आई शाहू महाविद्यालयात मराठी साहित्य शिकवायच्या.

सुरुवातीच्या काळात मृणाल यांनीदेखील आई-वडिलांप्रमाणेच शैक्षणिक क्षेत्रात करिअर करायला सुरुवात केली.

शाहू महाविद्यालयात त्या पार्ट टाइम जॉब म्हणून लेक्चररची नोकरी करत होत्या.

आई-बाबांना लहानपणापासून शिकवतांना पाहिलं आहे. त्यामुळे मलाही प्राध्यापक व्हायचं होतं, असं त्यांनी एका मुलाखतीत सांगितलं.

दूरदर्शनवरील स्वामी या मालिकेतून मृणाल यांनी त्यांच्या करिअरची सुरुवात केली.

मृणाल यांच्या अवंतिका आणि सोनपरी या दोन मालिका तुफान गाजल्या.