मराठी अभिनेत्याने दिली 'बिग बॉस'ची हिंट? म्हणाला, "काही दिवस मी इन्स्टाग्रामवर नसेन, माझी टीम..."

लोकप्रिय मालिकांमध्ये साकारली भूमिका, आता 'बिग बॉस'मध्ये जाण्यास अभिनेता सज्ज?

मराठी मनोरंजनविश्वात सध्या बिग बॉस मराठी ६ ची उत्सुकता आहे. येत्या काही दिवसात म्हणजेच ११ जानेवारीपासून बिग बॉस मराठीच्या सहाव्या पर्वाची सुरुवात होत आहे.

यावेळीही रितेश देशमुखच सीझन होस्ट करणार आहे. भाऊंचं होस्टिंग, भाऊचा धक्का असं सगळंच प्रेक्षकांना पुन्हा अनुभवता येणार आहे.

गेल्या सीझनमध्ये गायक, इन्फ्लुएन्सर्स, रीलस्टार, अभिनेता, अभिनेत्री, जेष्ठ कलाकार, हिंदीतला चेहरा अशी काही मंडळी सहभागी झाली होती.

या सीझनमध्ये कोणकोणते चेहरे सहभागी होणार याचीही सोशल मीडियावर जोरदार चर्चा रंगली आहे. अनेक नावं समोरही आली आहेत जे बिग बॉसच्या घरात प्रवेश करतील अशी चर्चा आहे.

अनुश्री माने, सागर कारंडे, राधा पाटील, ईशा केसकर, संकेत पाठक, सोनाली राऊत, डॅनी पंडित, दीपाली सय्यद या नावांची जोरदार चर्चा आहे.

दरम्यान एका टीव्ही अभिनेत्याने नुकतीच एक पोस्ट केली आहे. काही दिवस मी स्वत: इन्स्टाग्रामवर नसेन. माझी टीम अकाऊंट हँडल करेल असं त्याने लिहिलं आहे.

हा अभिनेता आहे 'बॉस माझी लाडाची','३६ गुणी जोडी' या मालिकांमध्ये दिसलेला आयुष संजीव. आयुषच्या या पोस्टवरुन तो बिग बॉस मध्ये जातोय हे जवळपास कन्फर्मच झालं आहे.

आयुषच्या पोस्टवर चाहत्यांनी कमेंट करत 'तू बिग बॉस मध्ये जातोय' असा अंदाज लावला आहे. तसंच त्याला या प्रवासासाठी शुभेच्छा दिल्या आहेत. अद्याप वाहिनीकडून किंवा आयुषने यावर अधिकृत कन्फर्मेशन दिलेलं नाही.