"रोज फक्त ४५ मिनिटं करा हे काम', जेठालालने सांगितला झपाट्याने वजन कमी करण्याचा खास मंत्र

दिलीप जोशीने फक्त दीड महिन्यात एक खास गोष्ट केली. त्यामुळे अभिनेत्याचं वजन कमी होण्यास मदत झाली. काय केलं जेठालालने? जाणून घेण्यासाठी बातमी वाचा

'तारक मेहता का उल्टा चष्मा' ही मालिका गेली अनेक वर्ष प्रेक्षकांचं मनोरंजन करतेय. या मालिकेत सर्वच कॅरेक्टर्सना प्रेक्षकांचं चांगलं प्रेम मिळालं. मालिकेतील अशीच एक व्यक्तिरेखा म्हणजे जेठालाल.

दिलीप जोशी म्हणजेच जेठालाल यांनी दीड महिन्यात १६ किलो वजन कसं घटवलं, याचा अनुभव सर्वांसोबत शेअर केला आहे. २०२३ मध्ये मॅशेबल इंडियाला दिलेल्या मुलाखतीत दिलीप जोशींनी याबद्दल सांगितलं होतं.

१९९२ मध्ये 'हुन हुंशी हंशीलाल' हा एक गुजराती सिनेमा आला होता. या सिनेमात दिलीप जोशींना बारीक दिसायचं होतं. त्यामुळेच भूमिकेची तयारी म्हणून दिलीप जोशींनी वजन कमी करायला सुरुवात केली.

यासाठी दिलीप जोशींनी खूप मेहनत केली. ते आधी स्विमिंग क्लबमध्ये जायचे. तिथून कपडे बदलून ते मरीन ड्राईव्हला जायचे. तिथे रोज ४५ मिनिटं ते जॉगिंग करायचे.

मरीन ड्राईव्ह ते ओबेरॉय हॉटेल दिलीज जोशी धावायचे. रोज जब्बल ४५ मिनिटं न चुकता ते व्यायाम करायचे. त्यामुळे दीड महिन्यात दिलीप यांनी १६ किलो वजन कमी केलं.

दिलीप जोशींचं हे ट्रान्सफॉर्मेशन अनेकांना थक्क करणारं होतं. दिलीप जोशी गेली १५ हून अधिक वर्ष 'तारक मेहता का उल्टा चष्मा' मालिकेत अभिनय करत आहेत.

या मालिकेत दिलीप जोशी जेठालालची भूमिका साकारुन सर्वांचं मन जिंकत आहे. मालिकेतील जेठालाल-दयाबेनची जोडी प्रेक्षकांचं मन जिंकून गेली आहे