SEE PICS : ‘टाईमपास’ची चंदा ते स्वीटू...; वाचा, अन्विता फलटणकरचा प्रेरणादायी प्रवास

ठाण्याची अन्विता फलटणकर कशी झाली लोकप्रिय अभिनेत्री?

‘येऊ कशी तशी मी नांदायला’ या मालिकेमधील आपल्या सर्वांची लाडकी स्वीटू म्हणजेच अभिनेत्री अन्विता फलटणकर आज तिचा वाढदिवस साजरा करतेय.

‘टाईमपास’ या सिनेमात छोटीशी भूमिका करणारी अन्विता आज ‘येऊ कशी तशी मी नांदायला ’ या मालिकेत मुख्य भूमिका साकारताना दिसतेय. तिचा हा प्रवास मुळातच प्रेरणादायी आहे.

ठाण्यात जन्मलेल्या अन्विताच्या कुटुंबाचा फिल्मी दुनियेशी दूरदूरपर्यंत संबंध नव्हता. मग अन्विता फिल्मी दुनियेत कशी आली? तर डान्समुळे.

होय, लहानपणापासूनच अन्विताला डान्सची भारी आवड होती. पाच वर्षांची असल्यापासून तिने भरतनाट्य शिकायला सुरूवात केली. पुढे शाळेत असताना ती नाटकात काम करू लागली.

रूपारेल कॉलेजात शिकत असताना अचानक ‘टाईमपास’ या सिनेमासाठी तिची निवड झाली. तेव्हा अन्विता केवळ 16 वर्षांची होती.

‘टाईमपास’ या सिनेमातील आपली छोटीशी भूमिका प्रेक्षकांना इतकी आवडेल, याची अन्विताला जराही कल्पना नव्हती. पण तिची ही भूमिका चांगलीच गाजली.

नंतर ‘गर्ल्स’ या सिनेमातही तिला संधी मिळाली. छबीदार छबी या सुपरहिट गाण्यावर अन्विताने केलेला तुफान डान्स तर सगळ्यांच्याच डोळ्यांत भरला.

बीए इन थिएटर या विषयात पदवी पूर्ण केल्यानंतर अन्विता नाटकात काम करत होती. महाराष्ट्राची हास्य जत्रा या कार्यक्रमातही ती झळकली.

पुढे ‘येऊ कशी तशी मी नांदायला’ या मालिकेसाठी तिला आॅडिशनसाठी बोलावलं गेलं आणि ती सिलेक्टही झाली. मग काय स्वीटूच्या या भूमिकेनं अन्विकाचं अख्ख आयुष्यचं बदललं.