'आई कुठे काय करते'मधील अनघानं या चित्रपटांमध्ये केलंय काम, जाणून घ्या तिच्याबद्दल

'आई कुठे काय करते' मालिकेतील अनघा म्हणजेच अभिनेत्री अश्विनी महांगडेचा खूप मोठा चाहता वर्ग आहे.

छोट्या पडद्यावरील 'आई कुठे काय करते' ही मालिका लोकप्रिय मालिका ठरली आहे. या मालिकेतील सर्वच पात्रांवर प्रेक्षक भरभरून प्रेम करत आहेत. त्यात या मालिकेतील अनघा म्हणजेच अभिनेत्री अश्विनी महांगडेचादेखील खूप फॅन फॉलोव्हिंग आहे.

अश्विनीचा जन्म २७ ऑक्टोबर १९९० मध्ये झाला असुन ती मुळची साताऱ्यातील वाई येथील आहे. तिने तिच शालेय आणि महाविद्यालयीन शिक्षण हे वाईतच पूर्ण झालंय. किसन वीर महाविद्यालयातून तिने वाणिज्य शाखेत शिक्षण घेतलंय. तसेच तिने हॉटेल मॅनेजमेंट देखील केलंय.

२०१४ मध्ये झी मराठी वरील ‘अस्मिता’ ही तिची पहिली मालिका. त्यानंतर तिनं ‘स्वराज रक्षक संभाजी’ या मालिकेत राणू अक्काची भूमिका साकारली होती.. तिच्या या पात्राला प्रेक्षकांनी भरभरून प्रतिसाद दिला.

त्यांनंतर तिने ‘चला हवा येऊ द्या’ सेलिब्रेटी पॅटर्न या रिएलिटी शोमध्ये काम केले.

या सोबतच टपाल आणि बॉईज या सिनेमांमध्येही तिने काम केले आहे. २०१८ मध्ये तिला गावकडील गोष्टी या वेबसीरिजसाठी प्रेरणा पुरस्कार देखील मिळाला आहे.

इतकेच नव्हे तर तिने स्वतःचे प्रॉडक्शन हाऊस देखील सुरु केले आहे. मोरया प्रॉडक्शन असं तिच्या प्रॉडक्शन हाऊसच नाव आहे.

अश्विनी महांगडे ही अभिनेत्री सोबतच एक सामाजिक कार्यकर्ती म्हणून देखील काम करते आहे.

अश्विनीने रयतेचे स्वराज्य परिपूर्ण किचन हॉटेलची निर्मिती देखील केली आहे.