आमचं ठरलं म्हणत दिली प्रेमाची कबुली, स्वानंदी टिकेकर आणि आशिष कुलकर्णीच्या साखरपुड्याचा अल्बम पाहा

Swanandi Tikekar And Ashish Kulkarni : स्वानंदी टिकेकर आणि आशिष कुलकर्णीने सोशल मीडियावर साखरपुड्याचे फोटो शेअर केले आहेत.

छोट्या पडद्यावरील 'दिल दोस्ती दुनियादारी' या मालिकेच्या माध्यमातून घराघरात पोहोचलेली अभिनेत्री म्हणजे स्वानंदी टिकेकर (Swanandi Tikekar). काही दिवसांपूर्वीच स्वानंदीने आमचं ठरलं असं म्हणत प्रेमाची कबुली दिली.

त्यानंतर स्वानंदीचा नुकताच प्रसिद्ध गायक आशिष कुलकर्णी (ashish kulkarni) याच्यासोबत साखरपुडा पार पडला. त्यामुळे सध्या नेटकऱ्यांमध्ये तिची चर्चा रंगली आहे.

स्वानंदी आणि आशिषने सोशल मीडियावर साखरपुड्याचे फोटो शेअर केले आहेत.

स्वानंदी आणि आशिषच्या साखरपुड्याच्या फोटोवर लाइक्स आणि कमेंट्स होताना दिसत आहे.

दिल दोस्ती दुनियादारी या मालिकेत स्वानंदीने मिनल ही भूमिका साकारली होती. याशिवाय ती अस्सं माहेर नको गं बाई या मालिकेत दिसली होती.

तसेच तिने ‘सुंदरा मनामध्ये भरली’, ‘अगं अगं सुनबाई, काय म्हणता सासूबाई’ या मालिकांमध्येही काम केलं आहे.

तर आशिष कुलकर्णी गायक आहे आणि त्याने इंडियन आयडॉलच्या बाराव्या सीझनमध्ये सहभाग दर्शवला होता.

याशिवाय मराठी चित्रपटातील गाणीही त्याने गायली आहेत. त्यामुळे मराठी इंडस्ट्रीत आशिषने स्वतःची ओळख बनवली आहे.

स्वानंदी आणि आशिष लग्न कधी करणार, हे जाणून घेण्यासाठी चाहते उत्सुक आहेत.