Chahatt Khanna : "दोघांनीही मला मारहाण केली पण कोणीही वाचवायला आलं नाही"; अभिनेत्रीची रस्त्यात काढली छेड

Chahatt Khanna : अभिनेत्रीने तिच्यासोबत घडलेल्या छेडछाडीच्या धक्कादायक घटनेबद्दल सांगितलं आहे.

टीव्ही अभिनेत्री चाहत खन्नाने तिच्या कारकिर्दीत अनेक शोमध्ये काम केलं आहे. 'बडे अच्छे लगते हैं' आणि 'कुबूल है' द्वारे ती घराघरात लोकप्रिय झाली.

एका लेटेस्ट इंटरव्ह्यूमध्ये, अभिनेत्रीने तिच्यासोबत काही वर्षांपूर्वी घडलेल्या छेडछाडीच्या धक्कादायक घटनेबद्दल सांगितलं आहे.

चाहतने दिलेल्या माहितीनुसार, सुमारे १०-११ वर्षांपूर्वी बाईकवरुन आलेल्या दोन पुरुषांनी त्रास देण्यास सुरुवात केली. त्यावेळी अभिनेत्रीने त्यांचीच रस्त्यात धुलाई केली.

Hauterrfly शी झालेल्या संभाषणात अभिनेत्रीने सांगितलं की, एकदा ती तिच्या दोन बहिणींसोबत कारने बाहेर जात होती.

"अचानक बाईकवरून आलेल्या दोन पुरुषांनी छेड काढायला सुरुवात केली आणि घाणेरड्या कमेंट्स करायला सुरुवात केली."

"बाईकवरून ते आमच्या कारचा पाठलाग करत होते. मग मी कार थांबवली आणि दोघांची धुलाई करायला सुरुवात केली."

"त्या दोघांनीही मला मारहाण केली पण कोणीही वाचवायला आलं नाही. हे सर्व १०-११ वर्षांपूर्वी घडलं होतं."

"त्यावेळी झालेलं भांडण हे WWE सारखं होतं. मी दोघांनाही खूप मारलं होतं... एकाचा दातच तोडला होता" असं अभिनेत्रीने म्हटलं आहे.

चाहत खन्ना दोन वर्षांपासून पडद्यापासून दूर आहे, ती २०२३ मध्ये 'यात्रीज' चित्रपटात दिसली होती.