'बिग बॉस मराठी' फेम जान्हवी किल्लेकरचं हळदी-कुंकू! वाण म्हणून काय दिलं? अभिनेत्रीवर होतोय कौतुकाचा वर्षाव

जान्हवीने नुकतंच तिच्या घरी हळदी-कुंकूचा कार्यक्रम ठेवला होता. याचे फोटो तिने शेअर केले आहेत.

मालिकांमध्ये खलनायिकेची भूमिका साकारून प्रसिद्धीझोतात आलेल्या जान्हवी किल्लेकरला बिग बॉस मराठीमुळे लोकप्रियता मिळाली.

जान्हवीने नुकतंच तिच्या घरी हळदी-कुंकूचा कार्यक्रम ठेवला होता. याचे फोटो तिने शेअर केले आहेत.

पारंपरिक पद्धतीने जान्हवीने घरी तिच्या महिला नातेवाईक आणि मैत्रिणींना बोलावून हळदी-कुंकू साजरा केला.

महिलांना हळदी-कुंकू लावून जान्हवीने त्यांना फूल देऊन जान्हवीने वाण देत त्यांचे आशीर्वाद घेतले.

हळदी-कुंकूचं वाण म्हणून जान्हवीने खास गोष्ट दिली. तिने वाण म्हणून तांब्याचं भांडं दिलं आहे.

जान्हवीने हळदी-कुंकूसाठी हिरव्या रंगाची साडी नेसली होती. जान्हवीच्या या फोटोंवर कमेंट करत चाहत्यांनी तिचं कौतुक केलं आहे.

"अभिनेत्री असूनसुद्धा सण किती छान साजरे करता", मराठी फिल्म इंडस्ट्री मधील एक अग्रगण्य अभिनेत्री भारतीय संस्कृती जपणारी लाडकी ताई जान्हवी दिदी" अशा कमेंट केल्या आहेत.

"मराठी संस्कृती जपत आहात हे पाहून छान वाटलं", असंही एकाने म्हटलं आहे.

दरम्यान, जान्हवी अबोली या मालिकेतून प्रेक्षकांच्या भेटीला आली आहे. यामध्ये ती दीपशिखा भोसले ही पोलीस इन्स्पेक्टरची भूमिका साकारताना दिसणार आहे.