आधी रिलेशनशिप, बॉयफ्रेंडसोबत लग्नही करणार होती पण...; ब्रेकअपमुळे चर्चेत आलेली अनुश्री माने

अनुश्री ही एक सोशल मीडिया स्टार आहे. रील बनवून तिने प्रसिद्धी मिळवली आहे.

Bigg Boss Marathi 6: 'बिग बॉस मराठी ६'पर्वाचा दुसरा आठवडा सुरू आहे. या आठवड्याच्या सुरुवातीलाच राकेश बापटसोबत भांडण झाल्यामुळे अनुश्री माने चर्चेत आली आहे.

बेडवरून उठवण्यावरुन राकेश आणि अनुश्रीमध्ये वादाची ठिणगी पडली. राकेशच्या बेडवर अनुश्री झोपली होती. खूप विनवण्या करूनही अनुश्री उठली नाही. त्यामुळे राकेशने तिचा हात पकडत तिला उठवलं.

यावरुन अनुश्री चिडली आणि तिने राकेशवर गंभीर आरोपही केले. त्यामुळे राकेशचा पाराही चढल्याचं दिसलं.

अनुश्री ही एक सोशल मीडिया स्टार आहे. रील बनवून तिने प्रसिद्धी मिळवली आहे.

इन्स्टाग्रामवर अनुश्रीचे १.६ मिलियन इतके फॉलोवर्स आहेत. चाहते तिच्या फोटोंवर अक्षरश: लाइक्सचा पाऊस पडतात.

अनेक अल्बम साँगमध्येही अनुश्री दिसली आहे. तर चल भावा सिटीत या रिएलिटी शोमध्येही ती सहभागी झाली होती.

अनुश्री अनेक कारणांमुळे चर्चेत आली होती. यातीलच एक म्हणजे तिची ब्रेकअप स्टोरी... प्रसिद्धी मिळवल्यानंतर अनुश्री तिच्या मावस बहिणीच्या दीरासोबत रिलेशनशिपमध्ये होती.

त्या दोघांनी एकत्र व्हिडीओही केले होते. अनुश्रीने स्वत:च्याच युट्यूबवरुन व्हिडीओ शेअर करत बॉयफ्रेंडची ओळख करून दिली होती.

ते दोघं लग्नही करणार होते. मात्र काही काळानंतर त्यांचं ब्रेकअप झालं.