Bigg Boss 19: 'बिग बॉस हिंदी'कडून मराठमोळ्या प्रणित मोरेवर अन्याय? शोसाठी मिळालं सगळ्यांपेक्षा कमी मानधन

'बिग बॉस १९'मधील सर्व स्पर्धकांमध्ये प्रणितला सगळ्यात कमी मानधन मिळाल्याचं बोललं जात आहे.

Bigg Boss 19: 'बिग बॉस १९'मधून मराठमोळ्या प्रणित मोरेची एक्झिट झाल्यामुळे चाहते नाराज आहेत. प्रणित कॅप्टन झाल्यानंतर लगेचच त्याला बिग बॉसचं घर सोडावं लागलं.

डेंग्यू झाल्याने प्रकृतीच्या कारणास्तव प्रणित मोरेने 'बिग बॉस १९'च्या घराचा निरोप घेतल्याची माहिती आहे. पण, प्रणितला पुन्हा 'बिग बॉस १९'च्या घरात बघण्यासाठी चाहते आतुर आहेत.

यादरम्यानच आता चर्चा रंगली आहे ती प्रणित मोरेला 'बिग बॉस १९'साठी मिळालेल्या मानधनाची.

'बिग बॉस १९'मधील सर्व स्पर्धकांमध्ये प्रणितला सगळ्यात कमी मानधन मिळाल्याचं बोललं जात आहे.

मीडिया रिपोर्टनुसार, आता घरात राहिलेल्या सदस्यांपैकी गौरव खन्नाला सगळ्यात जास्त मानधन मिळालं आहे. गौरव खन्नाने एका आठवड्यासाठी तब्बल १७.५ लाख इतकी फी घेतली आहे.

तर अमाल मलिकला ८.७५ लाख रुपये मानधन देण्यात येतं. अश्नूर कौर एका आठवड्यासाठी ६ लाख रुपये घेते.

तर तान्या मित्तल, अभिषेक बजाज यांना ३ ते ६ लाख इतकी फी देण्यात आली आहे.

फरहाना भट आणि कुनिका सदानंद यांना २-४ लाख रुपये मानधन मिळत आहे. तर नीलम गिरी १-२ लाख रुपये फी घेते.

मीडिया रिपोर्टनुसार, सगळ्यात कमी मानधन हे मृदुल तिवारी आणि प्रणित मोरेला देण्यात आलं आहे.

म्हणजे प्रणित मोरेला नीलमपेक्षाही कमी म्हणजे जेमतेमच पैसे हिंदी बिग बॉससाठी मिळाले आहेत. पण, याचा आकडा समोर आलेला नाही.