'प्रेमाची गोष्ट' मालिकेत तेजश्री प्रधानच्या जागी दिसणार ही अभिनेत्री?, यापूर्वी तिने केलंय या मालिकेत काम

Premachi Goshta : 'प्रेमाची गोष्ट' मालिकेतून अभिनेत्री तेजश्री प्रधान बाहेर पडल्याचे समजते आहे.

स्टार प्रवाह वाहिनीवरील लोकप्रिय मालिका प्रेमाची गोष्टमध्ये अभिनेत्री तेजश्री प्रधान सध्या काम करताना दिसते आहे.

तेजश्री प्रधान हिने मालिकेत मुक्ताची भूमिका साकारली आहे. या मालिकेत तिने साकारलेली मुक्ता प्रेक्षकांना खूप भावली आहे.

दरम्यान आता अशी माहिती मिळते आहे की, तेजश्री प्रधान प्रेमाची गोष्ट मालिकेतून बाहेर पडली आहे.

मालिकेत तेजश्री प्रधानच्या जागी आता कोणती अभिनेत्री पाहायला मिळणार, हे जाणून घेण्यासाठी चाहते उत्सुक आहेत.

अभिनेत्री स्वरदा ठिगळे प्रेमाची गोष्ट मालिकेत तेजश्रीच्या जागी पाहायला मिळणार असल्याचे समजते आहे.

स्वरदा ठिगळे हिंदी आणि मराठी मालिका विश्वातील प्रसिद्ध अभिनेत्री आहे.

स्वरदा ठिगळे मुळची पुण्याची असून तिचा जन्म २९ ऑक्टोबर, १९९३ साली झालाय. स्वरदाने तिच्या करिअरची सुरूवात मराठी सिनेविश्वातून केली आहे.

२०१३ साली स्वरदाने माझे मन तुझे झाले या मराठी मालिकेतून छोट्या पडद्यावर पदार्पण केले आहे. या मालिकेत तिने शुभ्राची भूमिका केली होती. ही भूमिका खूप लोकप्रिय झाली होती.

तसेच २०१७ साली स्वरदा ठिगळे हिने सावित्री देवी कॉलेज या हिंदी मालिकेत काम केले होते. या मालिकेत तिने सांची मिश्राची भूमिका केली होती.

स्वरदा स्टार भारत वाहिनीवरील ‘प्यार के पापड’ मालिकेत झळकली होती. या मालिकेत तिने शिविकाची भूमिका साकारली होती.

तसेच तिने ‘स्वराज्य सौदामिनी ताराराणी’ या मालिकेत मुख्य भूमिका साकारली होती.

२०२४मध्ये स्वरदाने सिद्धार्थ राऊतसोबत लग्नगाठ बांधली आहे. तेव्हापासून ती इंडस्ट्रीत काम करताना दिसली नाही.

आता स्वरदा मुक्ताच्या भूमिकेतून प्रेक्षकांना आपलेसे करू शकेल का, हे पाहणे कमालीचे ठरणार आहे.